Ang Langit Mitabang Kanako

Usa ka talagsaong pribilehiyo nga mainterbyu ang matag sakop sa Korum sa Napulog Duha ka mga Apostoles aron mosulat mahitungod sa balaang pagkaapostol (tan-awa sa “Kami Mga Saksi,” pahina 12).

Human makigkita kang Presidente M. Russell Ballard, Akting nga Presidente sa Korum sa Napulog Duha, mitan-aw ko og balik sa iyang opisina. Naglingkod siya dapit sa iyang lamesa, nagsulat og pakigpulong alang sa kinatibuk-ang komperensya. Siya ang labing dugay nga nagserbisyo nga General Authority sa Simbahan—gipaluyohan ngadto sa Unang Korum sa Seventy niadtong 1976. Gikapoy ug madasigon siyang tan-awon sa samang higayon. “Kumusta ka?” bag-o lang ko niyang gipangutana, gisundan sa mabinationg tambag: “Ayaw kaayo pagkapoya ang imong kaugalingon.” Gikan sa usa ka tawo kinsa midawat sa tawag nga literal nga motrabaho sa tibuok niyang kinabuhi sa pagserbisyo sa Ginoo, ang mubong pag-istoryahanay dunay dakong kahulugan ngari kanako.

Ang Napulog Duha gitawag sa “pagdumala sa tanan nga mga kalihokan [sa Simbahan] diha sa tanan nga mga nasud” (Doktrina ug mga Pakigsaad 107:33). Apan kon makauban nimo sila, ang ilang pagtutok mobalhin gikan sa tibuok kalibutan nga Simbahan ngadto sa indibidwal nga anaa sa ilang atubangan. Miabut sila sa ilang balaang mga tawag [calling] gikan sa mga posisyon nga gikonsiderar sa kalibutan nga importante kaayo, apan sa akong pagbiya sa ilang mga opisina, ang mga pulong nga maghulagway kanila kanunay nga mao ra—mapainubsanon ug mabination.

“Usahay mangutana ko sa akong kaugalingon, ‘Sa unsang paagi nga naapil ko niining talagsaong mga tawo?’” Misulti si Presidente Ballard kanako. Dayon mipamatuod siya, “Ang langit mitabang kanako.” Hinaut nga giganahan kamo niining daklit nga pagtan-aw sa calling sa usa ka Apostol.

Sarah Jane Weaver

Editor sa Mga Balita sa Simbahan