Minahal nga mga Ginikanan,
Si Jesus misulti sa Iyang mga disipulo sa pagdala sa ebanghelyo ngadto sa “tibuok kalibutan” (Marcos 16:15). Ang magasin karong bulana makahatag sa inyong pamilya og mga ideya sa pagpaambit sa ebanghelyo bisan asa kamo magpuyo. Kon ang tanan nga aduna niini nga magasin mopaambit sa ebanghelyo bisan sa usa lang ka laing pamilya, hunahunaa unsa ka daghan pa nga mga tawo ang makakat-on mahitungod ni Jesus! Aniay pipila ka mga pangutana nga mahimo ninyong hisgutan samtang inyong basahon ang matag istorya:
-
Aduna bay usa ka tawo nga mahimong dapiton sa atong pamilya ngadto sa Primary, sa usa ka bunyag, o sa kalihokan sa Simbahan?
-
Unsa ang mabuhat sa atong pamilya karong bulana sa pagpaambit sa ebanghelyo pinaagi sa atong ehemplo?
-
Nasayud ba ang atong mga higala ug mga silingan nga kita mga Kristiyano?
Isip pamilya, markahi ang tanang mga higayon nga ang usa ka tawo niini nga mga istorya mipaambit sa ebanghelyo. Dayon paghimo og plano sa misyon sa inyong kaugalingong pamilya. Ug pahibaloa kami kon unsa ang nahitabo niini!
Atong pun-on sa kaayo ang kalibutan!
Ang HigalaNew
Friend section
50 E. North Temple St., Room 2393
Salt Lake City, UT 84150, USA