Kristiyano Ko!
Sa dihang nabunyagan ko ug gikumpirmahan, akong gidala ang ngalan ni Kristo.
Nagpasabut kana nga mipili ko sa pagsunod Kaniya ug maningkamot sa pagbuhat sa unsay matarung.
Kristiyano Ko! Nagtuo ko nga si Kristo mao ang Bugtong Anak sa Dios—
Ang Prinsipe sa Kalinaw, Maayo nga Magbalantay, Tinapay nga Nagahatag og Kinabuhi, ang Usa nga Balaan.
Kristiyano Ko! Nagbasa ko sa mga kasulatan matag adlaw, nagkat-on mahitungod sa Iyang kinabuhi,
sa Iyang mga milagro, sa Iyang mga pagtulun-an, sa Iyang mahangturong sakripisyo.
Kristiyano Ko! Gusto nako nga masayud ang kalibutan nga si Jesus namatay alang kanila.
Tungod kay Iyang gihatag ang Iyang kinabuhi alang kanato, kitang tanan mabuhi pag-usab!
Kristiyano Ko! Kon masakitan ang akong kalag tungod sa sala o yutan-on nga mga kabalaka,
Maningkamot ko nga mosunod kang Jesus ug nasayud ko nga maanaa Siya.
Kristiyano Ko! Mogamit ko sa unsay anaa nako aron sa pagtabang sa akong mga higala nga nanginahanglan.
Naningkamot ko sa pagbuhat sa unsay buhaton ni Kristo; nagsunod ko Kaniya.
Kristiyano Ko! Naghinumdom ko kang Kristo sa paagi nga Iyang gihangyo kanato:
Moambit ko sa sakrament matag semana ug mosaad nga magmatinud-anon.
Kristiyano Ko! Bisan kon nag-inusara, mopakita ko og kaligdong.
Matinuoron ko, maisugon, ug mahiyason. Makasalig kamo kanako.
Kristiyano Ko! Gipasaylo nako ang tanan kinsa mipili sa paghimo og sayop.
Gihangup nako ang kalinaw ug panaghigalaay ug motabang sa mga tawo nga magkasinabut.
Kristiyano Ko! Gimahal nako si Jesukristo sa tibuok nakong kasingkasing. Tinuod kini!
Turno na nimo karon—palihug ipaambit kon unsa ang kahulugan sa pagka-Kristiyano nganha kanimo!