Gikan sa Unang Kapangulohan

Pagpaambit sa Ebanghelyo

Ni Presidente Dallin H. Oaks

Unang Magtatambag sa Unang Kapangulohan

Presidente Dallin H. Oaks

Kinuha gikan sa “Pagpakigbahin sa Gipahiuli nga Ebanghelyo,” Liahona, Nob. 2016, 57–60.

Sharing the Gospel

Ang Manluluwas, si Jesukristo, misugo sa Iyang mga disipulo sa pagpaambit sa ebanghelyo ngadto sa tanang tawo sa yuta. Miingon Siya, “Panglakaw kamo sa tibuok kalibutan, ug iwali ninyo ang maayong balita ngadto sa tibuok nga kabuhatan” (Marcos 16:15).

Gikinahanglan nato ang matag miyembro sa Simbahan nga motabang sa pagpaambit sa ebanghelyo sa tibuok kalibutan.

Ania ang pipila ka paagi nga makatabang ka:

1. Higugmaa ang tanan isip imong mga igsoon, sama sa gitudlo ni Jesus.

2. Sunda ang mga sugo aron mamahimo ka nga maayong ehemplo.

3. Pag-ampo aron masayud kinsa ang andam nga makat-on mahitungod sa ebanghelyo ug unsaon nimo sa pagpaambit niini ngadto kanila.

4. Tabangi ang uban nga mas makat-on pa mahitungod ni Jesukristo.

Ang misyonaryo nga buhat nagpasabut sa pagbaton og kinaiya sa gugma ug pagtabang sa uban. Bisan unsa pa ang isulti sa laing tawo, usa ikaw ka malampusong misyonaryo kon imong gipaambit ang ebanghelyo uban sa gugma!