Relihiyon: Usa ka Panalangin sa Atong Kinabuhi ug mga Komunidad

Ang pagtuo ug relihiyon maoy usa ka importanting bahin sa atong pagkatawo. Ang atong pagtuo, ug ang relihiyon sa kinatibuk-an, makaapekto sa atong inadlaw-adlaw nga kinabuhi. Ang daghang mga pagtuon mahitungod sa mga relihiyon nga Kristiyano ug ubang mga relihiyon nakakaplag nga ang mga tumutuo mas himsug ug mas may kalagmitan nga motampo sa ilang mga komunidad. Ang mga resulta sa pagsiksik nga gipresentar dinhi gamay lang nga sampol sa daghang mga paagi nga ang relihiyon makapalambo sa atong kinabuhi:

Relihiyuso nga mga tawo:

Komunidad

• Mas may kalagmitan nga moboluntaryo,¹ mohatag sa mga institusyon sa kalooy,² ug moapil og mga club ug mga grupo.³

Mga relasyon

• Adunay mas maayo nga “sosyal nga mga relasyon ug mas lig-on nga mga kaminyoon” ingon man ang mas gipalapdan nga mga social network.⁴

• “Mas may kalagmitan nga magminyo ug minos ang kalagmitan nga magdiborsyo [ug sila] mopadayag og mas taas nga matang sa katagbawan sa ilang mga kapikas.”⁵

Kahimsog

• “Labaw og 33 porsyento nga may kalagmitan nga … moingon nga malipayon kaayo sila.”⁶

• Mas ubos ang gidaghanon sa depresyon ug minos ang kabalaka.⁷

• Kasagarang molabaw og pito ka tuig ang gidugayon sa kinabuhi kay sa mga tawo nga dili relihiyuso.⁸

Mubo nga mga sulat

1. Tan-awa sa Arthur C. Brooks, Gross National Happiness: Why Happiness Matters for America—and How We Can Get More of It (2008), 52.

2. Tan-awa sa Rodney Stark, America’s Blessings: How Religion Benefits Everyone, Including Atheists (2012), 4.

3. Tan-awa sa Robert D. Putnam, Bowling Alone (2000), 66–67.

4. Tyler J. VanderWeele, “Does Religious Participation Contribute to Human Flourishing?” Big Questions Online, Ene. 14, 2017, bigquestionsonline.com.

5. Stark, How Religion Benefits Everyone, 4.

6. Brooks, Gross National Happiness, 48.

7. Tan-awa sa Andrew Sims, Is Faith Delusion? Why Religion is Good For Your Health (2009), 220.

8. Tan-awa sa Stark, How Religion Benefits Everyone, 4, 106–107, 111.