Puno sa Maayo nga mga Buhat

Kining tulo ka mga babaye gikan sa Bag-ong Tugon mitabang og mga tawo. Basaha kon unsa ang ilang gibuhat; dayon ipares ang mga litrato. Unsa ang imong mabuhat sa pagtabang og usa ka tawo karon?

• Si Priscila ug ang iyang bana mihimo og mga tolda isip panginabuhian. Mitudlo siya mahitungod sa ebanghelyo uban sa iyang bana. Tingali mipahigayon sila og mga miting sa Simbahan diha sa ilang panimalay. (Tan-awa sa Mga Buhat 18:26.)

• Si Lidia namaligya og morado [purple] nga tina. Gibati niya ang Espiritu ug nakahukom nga magpabunyag. Gihatagan niya ang mga disipulo og luna nga kapuy-an diha sa iyang panimalay samtang nanagbiyahe sila. (Tan-awa sa Mga Buhat 16:14–15.)

• Si Tabita mihatag ngadto sa mga kabus ug nanahi og mga sinina ug mga kupo alang niadtong nanginahanglan. Human siya mamatay, gibuhi siya ni Pedro gikan sa patay. (Tan-awa sa Mga Buhat 9:36, 39–40.)

Kini nga pahina nagsuporta sa pahina 108 sa Dali, Sunod Kanako—Alang sa mga Indibidwal ug mga Pamilya.