Sa Imahe sa Dios

Ang lawas. Talagsaon kini nga butang, di ba? Pila ka higayon nga kamo nakadungog og tawo nga moingon, “Hoy, tan-awa kini!”? Bisan unsa ang mosunod tingali tinud-anay nga talagsaon o binuang lang, apan kanunay kitang makakaplag unsay mahimo sa atong mga lawas.

Kita gilalang diha sa panagway sa Dios. Unsaon nato pag-atiman ang atong mga lawas nga anaa sa dalan nga mahimong sama sa atong Langitnong mga Ginikanan? Unsaon nga kita makalikay sa paggamit sa atong mga lawas sa mga paagi nga dili angay?

Kadto nga mga pangutana kabahin ngano nga karong bulana ang mga seksyon sa kabatan-onan ug sa batan-ong hamtong nagtutok sa pagtulun-an mahitungod sa lawas (tan-awa sa mga pahina 42 ug 50). Karong bulana ipakita nato kon unsa ka talagsaon, ka milagroso, ug ka literal nga balaan ang lawas. Manghinaut ko nga kini nga mga mensahe mahimong mapuslanon nga kapanguhaan alang kaninyo ug sa inyong pamilya samtang kamo magkat-on sa kasagrado sa lawas.

Sa pahina 50, si Presidente Russell M. Nelson miawhag kanato sa pagkontrol sa mga gana sa atong mga lawas ug sa paghinumdom nga ang atong mga lawas dili mao ang katapusan sa ilang kaugalingon. Siya nagtudlo nga ang atong mga espiritu naghatag og kinabuhi sa atong mga lawas ug nga ang atong mga espiritu ang naghimo sa mga pagpili. Ang mapanagnaon nga tambag ni Presidente Nelson makatabang sa kabatan-onan ug sa mga hamtong.

Manghinaut ko nga ang mga pulong ni Presidente Nelson ug sa ubang mga mensahe niini nga isyu makatabang ninyo nga mobati og pagtuo kabahin sa pagtudlo ug pagsabut sa talagsaong gasa nga mao ang atong mortal nga lawas.

J. Ryan Jensen

Mga Magasin sa Simbahan