“Unsay akong buhaton kon ako wala makagusto sa akong lawas?”
Litrato gikan sa © Getty Images
Dawata ang Inyong Lawas
Dawata ang inyong lawas kon unsa kini imbis kon unsay dili. Matag higayon akong tan-awon ang akong kaugalingon sa salamin, ako moingon, “Langitnong Amahan, ako mapasalamaton sa kauswagan nga Imong gihimo kanako.”
Temperance B., edad 18, Victoria, Australia
Hunahunaa kini isip usa ka Templo
Hunahuna kon sa unsa nga paagi ang inyong lawas usa ka templo (tan-awa sa 1 Mga Taga-Corinto 3) ug usab nga ang Ginoo nagtan-aw sa kasingkasing (tan-awa sa 1 Samuel 16), dili sa lawas!
Vico W., edad 17, North Rhine-Westphalia, Germany
Atimana Kini
Akong atimanon ang akong lawas pinaagi sa pag-ehersisyo ug pagkaon og masustansyang pagkaon. Ang pag-atiman sa akong lawas makapahimo nako nga mas mapasalamaton niini. Kon ako moatiman sa templo nga gipanalangin sa Langitnong Amahan kanako, ang akong kinaiya mausab ug ako mas makaila ug makapasalamat sa talagsaong mga panalangin sa pagbaton og lawas nga gilalang sa Dios.
Camille A., edad 16, Florida, USA
Pagbaton og Respeto sa Kaugalingon
Ang Akong higala nakigbisog kay nabalaka siya kabahin kon unsa ang gihunahuna sa uban kaniya, ug nawad-an siya sa respeto sa kaugalingon. Ang nakatabang kaniya pag-ayo mao ang paghinumdom nga ang Dios, iyang higala, ug iyang pamilya anaa lang sila sa paghigugma ug pagsuporta kaniya.
Matthew V., edad 16, Missouri, USA
Gihigugma Ka
Samtang makdungog ko sa akong mga higala nga moingon nga dili sila ganahan kabahin sa ilang lawas o nga sila dili ganahan niini, ganahan ko nga motabang nila nga makahibalo nga gihigugma sila sa Langitnong Amahan. Ganahan ko nga maghunahuna nga gihigugma ko Niya ug nga ganahan Niya nga magmalipayon ko, bisan paman sa mga pangutana sa panglawas. Atong tagdon ug higugmaon ang atong lawas kay mao kini ang atong templo.
Ignacio P., edad 14, Chaco, Argentina
Kini Kabahin Lang Kinsa Kamo
Hinumdumi nga ang inyong lawas kabahin lamang kinsa kamo. Kini ang inyong lawas apan dili isip usa ka tawo, isip usa ka espiritu nga anak sa Dios.
Sailor O., edad 18, New York, USA
Buhata ang mga Butang nga Ikaw Nalingaw
Isip anaa sa gawas ug mobuhat sa mga kalihokan nga akong gikalingawan, sama sa pagsakay og biseklita o paglakaw uban ang akong iro, kanunay kining makatabang kanako nga mobati og maayo kabahin sa akong lawas. Mas nindot pa gyud nga magbuhat og mga butang kauban ang akong mga higala kay nagpahinumdom kini kanako nga ako gipalibutan sa mga tawo nga nagpakabana kanako ug wala magpakabana kon unsay akong panagway.
Itzcel O.,edad 18, Arizona, USA