Ang Pulong sa Kaalam: Unsa ang Apil, Unsay Dili

Pinaagi sa kawani sa Liahona

Unsa ang Pulong sa Kaalam

Usa ka balaod sa kahimsog gikan sa Ginoo alang sa atong pisikal ug espirituhanon nga panalipod.

Likayan:	Tagamtamon:
Ilimnon nga makahubog	Mga prutas
Tabako	Mga utanon
Tsa ug kape	Karne (dili kaayo daghan)
Bisan unsa nga makadaot o makaadik	Mga lugas

Tan-awa sa Doktrina ug mga Pakigsaad 89. Tan-awa usab sa Giya ngadto sa mga Kasulatan sa Pulong sa Kaalam sa topics.lds.org.

Unsa ang dili apil sa Pulong sa Kaalam

Si Presidente Boyd K. Packer (1924–2015), Presidente sa Korum sa Napulog Duha ka mga Apostoles, nagtudlo kanato nga ang Pulong sa Kaalam dili:

Usa ka garantiya nga kamo kanunay nga mahimsog.

“Ang Pulong sa Kaalam wala mosaad sa inyong hingpit nga kahimsog, apan kini nagtudlo unsaon nga ang lawas nga inyong nadawat sa pagkatawo anaa sa labing maayong kondisyon ug ang inyong hunahuna alerto sa malumo nga espirituhanong mga pag-aghat.”
Usa ka komprehensibo nga lista.

Adunay daghang makapaanad, makaadik nga mga butang nga mahimong imnon o usapon o hinguson o i-indyiksyon nga makadaot sa lawas ug espiritu nga wala hisguti sa pagpadayag.”
Usa ka rason sa pagpalabi.

“Pagkat-on sa pagpugong ug paggamit sa sentido komon bahin sa panglawas ug nutrisyon, ug ilabi sa medikasyon. Likaye ang pagpalabi o mosunod sa matag uso [faddist]”¹ (ang usa ka faddist mao ang tawo nga mosunod sa matag uso).

Gisaad nga mga panalangin

Ang pagsunod sa Pulong sa Kaalam usa ka dako nga panalangin! Ania ang pipila ka paagi nga gihisgutan sa Alang sa Kalig-on sa Kabatan-onan nga kamo mapanalanginan:

Kagawasan gikan sa makadaot nga adiksyon
Pagkontrolar sa inyong kinabuhi
Mas himsog nga panglawas
Mas alerto nga hunahuna
Giya gikan sa Espiritu Santo
Mas dako nga abilidad sa pag-alagad sa Ginoo

“Dili gayud tugutan nga si Satanas o ang uban nga molingla kaninyo sa paghunahuna nga ang pagsupak sa Pulong sa Kaalam makahimo kaninyo nga mas malipayon, mas sikat, o mas madanihon.”²