Ang Pagkapukan ug Pagbag-o sa Katawhan—ug ang Yuta
Kita makasinati sa pagkahimugso, kinabuhi, kamatayon, ug pagkabanhaw—ug mao usab ang yuta, sa samang paagi. Ang yuta natawo (pinaagi sa Paglalang), nabunyagan sa tubig (pinaagi sa Lunop), pagabunyagan sa kalayo (“sa adlaw nga ang Ginoo moabut, … ug ang mga elemento matunaw tungod sa hilabihan nga kainit” [Mormon 9:2]), ug pagabag-uhon sama sa pagkabanhaw.1
Ang Paglalang
Mga paghulagway ni Bryan Beach
1. Ang Yuta ug sila si Adan ug Eva sa Paraisohanon nga Kahimtang:
“Kining nag-una nga temporal nga paglalang sa tanang butang … usa ka paraisohanon nga matang.”2 Diha-diha human sa Paglalang, walay mortal o ubos sa kamatayon.3
Ang Pagkapukan
2. Ang Yuta ug Katawhan sa Napukan nga Kahimtang:
“Ang yuta mismo nahulog ubos sa nahitabo nga tunglo sa pagkapukan nila ni [Adan ug Eva], ug … bisan ingon nga ang tawo matubos mao usab ang yuta pagabag-uhon.”4
Ang Ikaduhang Pag-anhi
3. Ang Yuta ug ang Katawhan sa Gibalaan nga Kahimtang:
“Sa Ikaduhang Pag-anhi sa Ginoo, ang yuta … mobalik ngadto sa iyang paraisohanong kahimtang ug mahimong bag-o.”5
“Busa, [ang yuta] pagabalaanon; oo, bisan kini mamatay kini mabuhi pag-usab,” ug ang matarung makapanunod sa celestial nga gingharian (ang gibalaan nga yuta) (tan-awa sa Doktrina ug mga Pakigsaad 88:17–26).