Ang Inyong Lawas Usa ka Templo

Si Apostol Pablo mitudlo nga ang atong mga lawas mga templo (tan-awa sa 1 Mga Taga-Corinto 6:19). Aniay dula nga mahimo ninyong dulaon aron makat-on pa.

1. Guntinga ang mga kard sa sunod nga pahina ug ikatag-katag kini diin makita sa tanan ug ilang makab-ot.

2. Magpuli-puli sa pagpaligid sa dice. Human ang usa ka tawo magpaligid, pangitaa kana nga numero sa “Mga Kamatuoran mahitungod sa mga Templo” ug basaha kini pagkusog.

3. Pangitaa ang kard nga nagtudlo og susama nga kamatuoran mahitungod sa mga lawas. (Timaan: Pangitaa ang mga simbolo nga nagkatukma.) Kon makita na ninyo ang nagkatukma, kab-uta ug hikapa ang kard! Dayon basaha ang kard og kusog ug buhata ang kalihokan.

4. Padayon sa pagpaligid ug paghikap hangtud ang tanan nakahimo na, o hangtud nabasa na ninyo ang tanang mga kard.

Mga kamatuoran mahitungod sa mga Templo

1. Ang matag templo mao ang balay sa Ginoo.

2. Ang mga templo lahi tan-awon sa gawas. Ang uban adunay mga tanaman ug mga fountain. Kini adunay lain-laing mga porma ug kolor. Ang tanang mga templo matahum.

3. Matag adlaw, ang mga tawo motrabaho aron atimanon ang gawas sa templo ug himoon kini nga nindot.

4. Ang mga tawo molimpyo usab sa sulod sa templo! Ang mga trabahante ug mga boluntaryo mosiguro nga ang tanan napasinawan ug nalimpyohan.

5. Ang mga templo gamiton sa paghimo sa buhat sa Langitnong Amahan.

6. Ang mga templo espesyal, sagrado nga mga dapit nga kinahanglan nga tahuron.

Ang matag lawas usa ka templo diin kana nga espiritu sa tawo nagpuyo. Ang Espiritu Santo makapuyo usab kanato. Hangyoa ang usa ka tawo sa pagsulti mahitungod sa usa ka panahon sa dihang gibati nila ang Espiritu Santo.

Ang mga lawas moabut sa lain-laing mga kolor, mga porma, ug mga gidak-on. Bisan unsa pa, ang matag lawas matahum. Paghingalan og butang nga mahimo sa inyong lawas.

Matag adlaw kita makapaningkamot nga ang atong mga lawas mahimsog pinaagi sa pagkaligo, pagkaon og maayong pagkaon, ug pag-ehersisyo. Paghingalan og usa nga maayong kan-on o imnon ug usa ka butang nga kinahanglan nga dili nimo kan-on o imnon.

Kita makahimo nga ang atong mga hunahuna malimpyo pinaagi sa pagbasa, pagtan-aw, ug pagpaminaw sa mga butang lamang nga nagdapit sa Espiritu. Pagkanta og bersikulo gikan sa usa ka paborito nga kanta sa Primary.

Kita makagamit sa atong mga lawas sa pagtabang sa mga tawo ug sa pagbuhat unsa ang buhaton ni Jesus. Hatagi ang usa ka tawo og pagdayeg ug high five!

Ang inyong lawas kinahanglan nga tagdon uban sa gugma ug pagtahud. Kon adunay mopasakit kaninyo o mohikap sa inyong lawas sa bisan unsa nga paagi nga dili makakomportable ninyo, sultihi dayon ang kasaligan nga hamtong! Paghimo og laing turno.