Mubo ug Direkta
Unsay hitsura sa nabanhaw nga mga lawas?
Ang Mahangturong Siyudad, ni D. Keith Larson
Sumala sa mga kasulatan ug sa moderno nga mga propeta, ang nabanhaw nga lawas mao ang:
Pisikal. Ang usa ka nabanhaw nga lawas adunay unod ug mga bukog (tan-awa sa Lucas 24:36–39).
Imortal. “Kini nga mortal nga lawas pagabanhawon ngadto sa pagka-imortal nga lawas, … nga sila dili na mamatay” (Alma 11:45).
Hingpit. “Ang espiritu ug ang lawas pagahiusahon pag-usab diha sa iyang hingpit nga kahimtang” (Alma 11:43). “Ang kalaksot pagakuhaon; ang mga depekto isalikway, ug ang mga lalaki ug mga babaye makakab-ot og kahingpitan sa ilang mga espiritu, ngadto sa kahingpitan nga giplano sa Dios sa sinugdanan” (Joseph F. Smith, Gospel Doctrine, 5th ed. [1939], 23).
Kaanyag. “Walay sama kaanyag nga tan-awon kay sa usa ka nabanhaw nga lalaki o babaye” (The Teachings of Lorenzo Snow, ed. Clyde J. Williams [1996], 99).
Lapas sa gahum ni Satanas. “Kon ang lawas dili na mabanhaw ang atong mga espiritu mahimo nga mangalagad … sa yawa, … ug magpabilin uban sa amahan sa mga bakak, diha sa pagkauyamot, sama ngadto sa iyang kaugalingon” (2 Nephi 9:8–9). Apan tungod kay si Jesukristo midala sa pagkabanhaw sa atong mga lawas, kini dili mahitabo.*
Makahimo sa pagdawat sa kahingpitan sa himaya. Kon wala ang pagkabanhaw, ang hingpit nga kalipay sa celestial nga himaya dili posible. “Ang espiritu ug ang elemento, dili gayud mabulag, makadawat sa kahingpitan sa himaya” (Doktrina ug mga Pakigsaad 93:33).