Si Elder Andersen Mibisita sa Ivory Coast

Usa sa unang mga lakang sa pagtukod og bag-ong templo mao ang usa ka espesyal nga miting nga gitawag og “groundbreaking.” Si Elder Neil L. Andersen ug si Sister Kathy Andersen mibiyahe ngadto sa Ivory Coast alang sa groundbreaking alang sa bag-o nga templo.

Si Elder Andersen mihatag og pag-ampo sa pagpahinungod sa yuta alang sa bag-ong templo. Siya ug si Sister Andersen mihatag og mga pakigpulong nga French, ang opisyal nga pinulongan didto. Si Sister Andersen miingon nga kini nakapalipay niya nga si Jesus motugot nato nga mosulod sa Iyang balay, ang templo. Kita makadawat og mga panalangin didto nga dili nato madawat bisan asa sa yuta.

Ang mga bata migamit og mga pala nga ang kolor bulawan sa pagtabang sa “pagbongkal sa yuta” alang sa templo. Dayon ang konstruksyon makasugod! Molungtad og mga duha ka tuig ang pagtukod sa templo.

Karon ang mga miyembro sa Ivory Coast kinahanglang mobiyahe og 12 ka oras ngadto sa labing duol nga templo, sa nasud sa Ghana. Sa pipila ka tuig, ang mga bata nga may igo nang gidak-on makahimo sa mga bunyag diha sa templo makaadto na sa usa ka matahum nga templo sa ilang kaugalingong nasud!

Ania kon unsay hitsura sa templo.

Gusto Kami nga Makakita sa Templo

Ania kon giunsa sa pagkanta sa mga bata ang “Gusto ko nga makita ang templo” sa unom ka lain-laing pinulongan. Sunda ang linya sa matag hugpong sa pulong sa pagkorihir sa pinulongan.

Me encanta ver el templo
Oh, j’aime voir le temple
Eu gosto de ver o templo
Jeg elsker herrens temple
Ich freu mich auf den tempel
Out e fia vaai I le malumalu