Ngaahi Peesi Fakalotofonuá
Ko e Fie Kaungāmamahi ʻa e Kau Palesitenisī Fakaʻēlia ʻo e Pasifikí ki he Palesiteni Temipale Tongá
Naʻe mālōlō ʻa Taniela A. Langi, ko e palesiteni ʻo e Temipale Nukuʻalofa Tongá ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he ʻaho 5 ʻo Sepitema 2019 koeʻuhi ko e ngaahi faingataʻa fakataha mo e niumōnia.
Kuó ne ngāue ʻi he kau palesitenisī ʻo e temipalé talu mei he 2016, fakataha mo hono uaifí ko ʻAnaseini V. Langi. Naʻá na maʻu ha fānau ʻe toko tolu mo ha makopuna ʻe toko valu.
Naʻe manako ʻa Palesiteni Langi ʻi he ʻakapulú mo e ngaahi sipoti kehé. Naʻá ne manako foki ʻi he hivá mo e ngaahi faiva fakafonuá.
Naʻe fakahoko ʻe he Kau Palesitenisī ʻo e ʻĒliá ʻa e Pasifikí ʻa e fakamatala ko ʻení hili ʻa e mālōlō ʻa Palesiteni Langí.
“ʻOku mau fie kau fakataha mo e fāmili ʻofa ʻa Palesiteni Langí, mo hono ngaahi kaungāmeʻa tokolahi ʻi Tonga mo e ʻOtu mulí ʻi he fie kaungāmamahi ʻi siʻene mālōloó. Naʻá ne ngāue taʻefilifilimānako maʻa hono fāmilí, ngaahi fāmili kehe mo e fakataautahá ʻi he ongo tafaʻaki fakatouʻosi ʻo e veilí ʻi heʻene vahaʻataimi ngāue ʻi he tuí. ʻOku mau lotua ʻa Sisitā Langi mo hono fāmilí, ʻi heʻemau ʻiloʻi, ʻo fakafou ʻi heʻemau tui kia Sīsū Kalaisí, ki ha toe tuʻu nāunauʻia mo ha fakataha fakafāmili fakafiefia ʻi he maama kahaʻú.”
Ko ʻEletā Ian S. Arden ko e Palesiteni ʻo e ʻĒlia Pasifikí, mo ʻEletā K. Brett Nattress mo Kazuhiko Yamashita ʻoku hoko ko hono ongo tokoní.