Alu ma Fai

Saunia e Peresitrene Henry B. Eyring

Fesoasoani Lua i le Au Peresitene Sili

Toefatuina mai le, “Faalagolago i le Atua, Ona E Alu Ai Lea,” Liahona, Nov. 2010, 70–73

A o ou tuputupu ae, e toatele tagata na leai ni galuega ma leai ni mea e nonofo ai. O le Peresitene o le Aualofa i le matou paranesi laitiiti sa o se tamaitai matua mai Nouei. Sa ia iloa na finagalo le Atua na te tausia i latou e le tagolima. O lea sa ia talosagaina ai ona tuaoi mo ni lavalava tuai. Sa ia tataina ma auli ia lavalava. Ona ia tuuina lea i totonu o atigipusa pepa i luga o lona poletito pito i tua. Pe a manaomia e se tasi ni lavalava, e faapea atu ona tuaoi, “Alu i le fale o loo i le lalo atu o le auala. O loo i ai iina se tamaitai, o le a ia avatu ia te oe mea o loo e manaomia.”

Na iloa e lenei uso le mea na finagalo le Atua na te faia, ona ia faia ai lea! Sa fesoasoani o ia i le faitau selau o fanau a le Tama Faalelagi o e sa manaomia le fesoasoani.

I le Tusi a Mamona, o loo aoao mai ai e Nifae i tatou e mulimuli i poloaiga a le Atua, e tusa lava po o le a lo latou faigata. Na fai mai o ia, “O le a ou alu ma fai mea ua poloaiina e le Alii” (1 Nifae 3:7).

E te faaalia lou faalagolago i le Atua pe a e faalogo ia te Ia ona e alu lea e faia soo se mea ua Ia poloai mai ai.

Ata na tusia e Anthony Lewis