Mau o Vaa

E tele mau o loo talanoa e uiga i vaa! O a ni mea ua e aoaoina mai i nei tala?

O Ai A’u?

Faafetaui tagata taitasi o loo i lalo ma a latou tala.

1. Na lapataia a’u e le Atua o le a ia faaloloina le lalolagi. Sa ia faatonuina a’u e fau se vaa telē ina ia mafai ona faasaoina ai lo’u aiga ma meaola.

2. Sa matou i ai i luga o se vaa faatasi ma Iesu i le taimi na sau ai se afā. Sa faafilemu e Iesu ia matagi ma galu.

3. Sa ma fauina ma lo’u uso ni vaa e malaga ai i se nuu o le folafolaga. Sa ou ole atu i le Atua ina ia faamumu ia maa ina ia matou maua ai le malamalama i totonu o a matou vaa.

4. Sa le mafai ona tuta le matou vaa ona sa aisā le uafu! Sa ou taitaia la matou vaega i le tatalo ma ole atu i le Atua mo se fesoasoani. Na ta’e le aisa ma na lava le umī e ui atu ai le matou vaa.

• Noa

• Soo o Iesu

• O le uso o Iareto

• Lusi Maka Samita

Ua Fau e Nifae se Vaa

Faaaoga le tusiga lenei e faatino ai vaega o le 1 Nifae 17.

Faamatala: Ina ua malaga le aiga o Nifae i le vao, sa latou tau atu i se sami. Sa faatonu e le Alii ia Nifae e fai ni meafaigaluega ma fau ai se vaa.

[O loo fau e Nifae [le vaa]. Ua savavali atu Lamana ma Lemuelu i le vaaiga.]

Nifae: Uso e, o mai e fesoasoani ia te au i le fauga o le tatou vaa!

Lamana: Leai! E te le iloa fau se mea faapena.

Lemuelu: Ua e valea, e pei o lo tatou tamā.

Nifae: O le a taitai i tatou e le Alii i se nuu folafolaina, e pei lava ona Ia taitaia le nuu o Mose. Ou te faanoanoa ona o le lua le talitonu i folafolaga a le Atua.

Lamana: [liliu atu ma le ita ia Lemuelu] Ta togiina o ia i le sami!

[Ua taumafai Lamana ma Lemuelu e pu’e Nifae, ae na laa i tua Nifae.]

Nifae: E mafai ona ou faia soo se mea ua poloaiina ai au e le Atua e fai.

[Na faaloaloa atu e Nifae lona lima ia Lamana ma Lemuelu. Sa amata ona gatete ma pauu ifo i o laua tulivae.]

Lamana: Sa ou lagonaina le mana o le Alii!

Lemuelu: Sa ou lagonaina foi! Sa ou gatete ai!

[Ua fesoasoani Nifae e faatutū i la’ua i luga.]

Nifae: Ou te faamoemoe o le a outou talitonu i le Atua. Ia tatou faaumaina faatasi le vaa lenei.

Faamatala: Sa faauma e Nifae ma lona aiga lo latou vaa ma folau atu ai i le nuu na folafolaina.

Fau La Oe [Vaa]

O manatu nei mo le faiga o isi ituaiga vaa eseese. O a ni manatu e mafai ona e mauaina mai?

• Faaaoga le pau o le afa o le avoka e avea ma vaega autu o se vaa.

• Faakelū pe faapipii faatasi ni fasilaau e fai ai se fogavaa opeopea.

• Gagau se vaa mai se pepa.

• Faaaoga fasilaau ma pepa e teuteu ai se momi folau.

Ata na tusia e Jared Beckstrand