O Ai Isaia?

Na aoao mai le Faaola, “Ua matua sili upu a Isaia,” ma ua Ia poloaiina i tatou e suesue i ai (tagai i le 3 Nifae 23:1). O le tele o aoaoga a Isaia o ni faatusa ia o le galuega i le olaga nei ma le Afio Mai Faalua o Iesu Keriso. O ana upu e matua taua lava, o lea i le 2 Nifae 12–24, na tusia ai e Nifae ina ia mafai e tagata o e faitau i ai ona “sii i luga o latou loto ma olioli” (2 Nifae 11:8).

Na auauna Isaia o se perofeta mai le 740–701 TLM. E toeitiiti lava 40 tausaga! I le taimi o lona valaauga, atonu e lei avea Isaia o se toeaina ulu sinasina lea e masani ona tatou vaai faalemafaufau i ai. E mafai ona e faitau e uiga i lona valaauga i le 2 Nifae 16.
Sa i ai sona aiga. E mafai ona e faitau e uiga i lona faletua, “le perofeta fafine,” ma le faaigoaina o lona atalii faatoa fanau mai e le Alii i le 2 Nifae 18:3.
Sa avea o ia o se faufautua sili i le tupu o Esekia. Sa tele se faatosinaga a Isaia i Ierusalema. Faamata na faapefea ona fesoasoani lena mea ia te ia i lana matafaioi o se perofeta?
O Isaia o le perofeta aupito sili ona TA’UA soo i tusitusiga paia. O le tolusefulu-lua pasene o le tusi a Isaia o loo ta’ua i le Tusi a Mamona; o le isi tolu pasene ua toe faaupuina. (Tagai Tusi Lesona a le Tagata Aoao o le Feagaiga Tuai 3rd ed. [tusilesona a le Ofisa o Aoga a le Ekalesia, 2003], 131.) O le a lau fuaiupu e sili ona e fiafia i ai mai le Isaia?
O le igoa Isaia o lona uiga “o le Alii o le faaolataga.” Sa mautinoa lona aoaoina mai o lena mea! E faapefea e le tauaveina i ou luga o le suafa o Iesu Keriso ona taiala ai au filifiliga?

Vaiaso 4