Fesili & Tali
E faapefea ona ou fiafia i le lotu pe afai o iai ni faafitauli ma tagata o lo o i ai?
E Mafai Ona E Pulea Oe Lava
E le mafai ona ou puleaina i latou e siomia au, e oo lava i isi tagata o le Ekalesia, ae e mafai ona ou pulea au lava ma le auala ou te tali atu ai i mea e tutupu. Sa ou iloaina o le alu i le lotu e mo le va lava lea o au ma le Atua, ae le o le va o au ma soo se isi lava tagata. Sa ou faamanatu ia te au lava, e le o se mea e fetaui i le Atua po o a’u lava le taofi o [lo’u] ola ai i le talalelei.
Erica Y., 18 tausaga, Hawaii, ISA
Faaaloalo i Tagata Uma
O i tatou uma lava e eseese o tatou siosiomaga ma eseese afuaga. E le mafai ona e iloa mea o loo feagai ma tagata.
Logan B., 15 tausaga, Oregon, ISA
Talanoa i Ou Taitai
E le tatau ona e alu i le lotu ona o se tagata. E tatau ona e alu ona o lou talitonuga ia Keriso. Ou te fautuaina foi le talanoa atu i lou epikopo.
Asher D., 18 tausaga, Uosigitone, ISA
Alofa e Faapei ona Faia e Iesu
Na fetalai Iesu Keriso, “Ia outou fealofani; faapei ona ou alofa atu ia te outou. … O le mea lea e iloa ai e tagata uma lava o o’u soo outou” (Ioane 13:34–35). Na fesoasoani lenei mea ou te malamalama ai e tatau ona ou alofa i isi e tusa lava po o ai i latou, e pei ona alofa le Faaola ia te au, e ui lava i ou faaletonu uma ma mea sese.
Ema F., 15 tausaga, Chaco, Atenitina
Fiafia i Lou Aiga Faaleuarota
E ui lava sa ou tauivi ma lagona o le tiga po o le le fiafia na fesootai ma tagata o le Ekalesia, ae ua tele lava ina ou iloa le alolofa o tagata iina ia te a’u. Ua fesoasoani ou te fiafia ai i le lotu ona o le olioli e aumaia e lo’u aiga o le uarota ia te a’u. O le a i ai pea lava tagata iina e alolofa ia te oe.
Sophia D., 16 tausaga, Bristol, Egelani