Talofa mai Pasila!
O ma’ua o Margo ma Paolo. O loo ma malaga faataamilo i le lalolagi e aoao e uiga i fanau a le Atua. Faatasi mai ma i ma’ua a o ma asiasi i Pasila!
O Pasila o le atunuu aupito tele lea i Amerika i Saute. E silia ma le miliona tagata o le Ekalesia o loo nonofo ai iina.
E le o toe mamao ona 11 lea o malumalu i Pasila! I le itulau e U10, e mafai ona e faitau e uiga i le uluai malaga a se tama Pasila i le malumalu.
O le gagana autu e tautalagia i Pasila e faaPotukale. O le Tusi Mamona lenei i le Faapotukale.
O le vaitafe o le Amasone o le vaitafe aupito umi lea i le lalolagi. Ma o le vaomatua o le Amasone e aupito tele lea i le lalolagi! O le aiga lea o le tele o meaola maoae.
O le soka o le taaloga aupito lauiloa lea i Pasila.
O loo tu se faatagata tele lava o Iesu Keriso i le tumutumu o se mauga e latalata i le aai o Rio de Janeiro.
Feiloai i nisi o uo mai Pasila!
Ou te fiafia matou te o i le lotu ma lo’u tuafafine laitiiti ma lo’u aiga. Ou te lagona le alofa o le Faaola pe a ou i ai faatasi ma lo’u aiga i le sauniga faamanatuga. Ou te lagonaina foi pe a ou i ai i le Peraimeri. Ou te iloa o loo soifua Iesu ma e alofa ia te au.
Yago V., 4 tausaga, ma lona tuafafine, o Laís, 2 tausaga, Minas Gerais, Pasila
A o lei oo i lo’u papatisoga, sa ou fefe ne’i o’u malemo ona e le mafai ona ou aau. Fai mai lo’u tamā e mafai ona ou faatuatua ia Iesu e faatasi ma au. Ina ua uma lena, sa ou lagonaina le lototele lava ma iloa ai sa le’i tuua na’o au. O le papatisoga o lo’u papatisoga sa o se aso sili lea ona manaia o lo’u olaga.
Ana Luiza M., 9 tausaga, Paraná, Pasila
Faafetai mo le suesueina o Pasila ma i ma’ua. Feiloai i se isi taimi!
Ata na tusia e Katie McDee