200 matahiti nō te māramarama

First Vision

I te hō’ē mahana nehenehe ’e te māramarama, ’a 200 matahiti i ma’iri a’e nei, ’ua tomo te hō’ē tamaiti ’āpī i roto i te uru rā’au nō te ’imi i te fa’a’orera’a i te hapa, ’e nō te pure nō ni’a i te ’ēkālesia tāna e ’āmui atu. Nā roto i te hō’ē ’ōrama semeio, ’ua ha’api’i mai ’oia ē, ’eiaha ’oia e ’āmui atu i te hō’ē o te reira. Tei reira te ’ōmuara’a o te fa’aho’i-fa’ahou-ra’a mai o te ’evanelia a Iesu Mesia—e ’ohipa ’o tē tāmau noa nei ā i tō tātou nei ’anotau.

I roto i teie ve’a, tē fa’ahanahana nei tātou e 200 matahiti nō te māramarama :

• Tē ha’api’i nei te peresideni Russell M. Nelson nāhea te ha’aputuputura’a ia ’Īserā’ela i nā pae e piti o te pāruru e nehenehe ai e fa’aineine ia tātou ’e ia vetahi ’ē nō te tae-piti-ra’a mai o te Fatu (’api 6).

• Tē fa’a’ite nei Elder LeGrand R. Curtis Jr. nāhea te feiā mo’a i te mau mahana hope’a nei i te tauturura’a i te fa’aho’i-fa’ahou-ra’a mai ’o tē tāmau noa nei ā—’e nāhea tātou tāta’itahi e nehenehe ai e tauturu (’api 18).

• Nō te feiā ’āpī, ’ua fa’a’ite mai ’o Elder Neil L. Andersen i nā parau mau e pae tā tātou e nehenehe e ha’api’i mai i roto i te ’Ōrama mātāmua (’api 52).

Nā roto i te mau parau a tō tātou peropheta ’e te mau ’ā’amu o te feiā mo’a ha’apa’o maita’i, e mata na tātou i te tītau ato’a i te ’ite tā te peropheta Iosepha i fāri’i a 200 matahiti i teienei : e mau tino ora mau tō te Metua i te ao ra ’e tō Iesu Mesia ’o tē here nei ia tātou. E mata na tātou i te fa’a’ite i taua ’itera’a ra i tō tātou mau hoa ’e te mau ta’ata tupu.

Ma te aroha mau,

Elder Randy D. Funk, nō te Hitu ’Ahuru

Ti’a fa’atere nō te mau ve’a a te ’Ēkalesia