Te ’ōrama mātāmua
Ma te tura [nota ’ere’ete] = 68
1. E uira’a tā Iosepha nō ni’a i te ’ohipa e rave,
Nō reira, ma te ha’apa’o maita’i, ’ua tuatāpapa ’oia nō te fa’arahi i tōna ’ite.
’Ua putapū tōna ’ā’au i te hō’ē pāpa’ira’a mo’a, tei ani iāna ’ia pure,
’E ’ua ’ite a’era Iosepha ē, e nehenehe tāna e ani i te Atua ’ia fa’a’ite mai iāna i te ’ē’a e haere.
2. ’A ’imi ai ’oia i te hō’ē vāhi hau, ’ua mā’iti a’era ’oia i te hō’ē uru rā’au
E, ma tōna pūai ato’a, ’ua pure a’era ’oia i te Atua ’ia fa’aro’o mai i tāna tāparura’a.
’Ua pou mai ra te Metua ’e te Tamaiti mai ni’a mai
Nō te pāhono i te uira’a a Iosepha ’e ’ua fa’aho’i mai i te ’ēvanelia ma te here.
3. Mai taua ’ōrama fa’ahiahia ra, ’ua tae mai ra e rave rahi atu ā mau heheura’a.
’Ua fa’aho’i mai te Fatu i te ’ēvanelia ’ia ’ite ho’i te mau ta’ata ato’a ē :
’Aita te mau ra’i i ’ōpanihia ; tē paraparau mai nei te Fa’aora i teie mahana.
’Ua pi’i ’oia i te hō’ē peropheta i tō tātou nei ’anotau nō te arata’i i tō tātou ta’ahira’a i roto i tōna haere’a.
Fa’aho’ira’a : ’Ua pure ’oia ma te fa’aro’o ’e ’ua pāhono mai te ra’i.
’Ua ’ite te Metua ’e te Tamaiti i tōna i’oa.
E tūturi au nō te pure. ’Ua ’ite au ’ua here te Atua iā’u
’E e fa’aro’o ato’a mai i tā’u mau pure.
Fa’ahōho’ara’a nā Sarah Gramelspacher