’Āmuira’a rahi i te roara’a o te mau matahiti
I teienei i roto i tōna 190ra’a o te matahiti, ’ua riro te ’āmuira’a rahi ’ei peu tumu maoro i te mau ’āva’e ’Ēperēra ’e ’Ātopa, terā rā, ’ua tupu te tahi mau tauira’a maita’i i te roara’a o te mau matahiti :
-
1830
E piti ’āva’e i muri a’e i te fa’ati’ara’ahia te ’Ēkālesia, ’ua fa’atere Iosepha Semita i te ’āmuira’a rahi mātāmua i Fayette, New York. Fātata e 30 melo ’e e rave rahi atu ta’ata tei tae mai.
-
1850
’Ua ha’aparare te Deseret News i te parau fa’a’ite tā’āto’a o te ’āmuira’a nō te mea, ’ua ti’a i te hō’ē pāpa’i ve’a ’āpī, ’o George D. Watt, ’ia pāpa’i tāpa’o i te mau a’ora’a.
-
1867
E maha mahana i hope ai te ’āmuira’a rahi, e ’ere rā e toru, mai tei mātarohia, nō te mea, ’ua mā’iti te ’āmuira’a ’ia fa’aea hō’ē mahana hau atu.
-
1924
’A tahi ra ’a fa’a’ohipahia ai te ha’apūai reo i mua i te terōno i roto i te Fare Menemene. Nā mua a’e, ’ua tītauhia i te feiā a’o ’ia ti’aturi i ni’a i te pūai o tō rātou reo ’ia fa’aro’ohia rātou.
-
1949
Ma te fa’a’ohipa i te mātini tāviri hōho’a i roto i te Fare Menemene, ’ua ha’apūrorohia te ’āmuira’a i roto i te ’āfata teata nō te taime mātāmua roa.
-
1962
’Ua ’auvahahia te mau a’ora’a nā roto i te tahi mau reo—heremani, hōlane ’e pāniora—nō te taime mātāmua i roto i te fare Menemene. I teienei e ’auvahahia te mau a’ora’a nā roto e hau atu e 90 reo !
-
1967
’Ua ha’apūrorohia te ’āmuira’a rahi i roto i te ’āfata teata i roto i te ’ū. E pereue nīnamu māramarama tō te mau tāne o te Pupu hīmene, ’e tō te mau vahine, e ’ahu ’ū tamano tō rātou.
-
1977
Mai te toru mahana ’e e ono tuha’a purera’a rahi, ’ua taui te ’āmuira’a e piti mahana ’e e pae tuha’a purera’a rahi.
-
2000
’Ua fa’atupuhia te ’āmuira’a rahi mātāmua i roto i te pū ’āmuira’a ’āpī i Roto Miti, e 21 000 pārahira’a.
Fa’ahōho’ara’a o te terōno nā David Habben; Hōho’a o te ’āfata teata nō roto mai i te GETTY IMAGES