E te mau metua here ē,

I te ’ōmuara’a o te fa’atupura’a rā’au nō te matahiti 1820, ’ua pure ’e ’ua ’ite ’o Iosepha Semita i te Metua i te ao ra ’e ia Iesu Mesia. Tē paraparau nei teie ve’a nō ni’a i taua pu’e tau ta’a ’ē ra. Teie te tahi mau ’api nō te ’imi i :

• Te hō’ē hōho’a ’ā’amu e fa’ati’a ra ē, e mea nāhea te ’Ēkālesia tei fa’aho’ihia mai e riro ai ’ei tuha’a nō te fa’anahora’a a te Atua (H4–10).

• Tē fa’a’ite nei te peresideni Nelson nāhea e nehenehe ai ia tātou ’ia tauturu i te fa’aho’i-fa’ahou-ra’a mai (H2).

• Te hō’ē hīmene ’āpī e ha’api’i nei nō ni’a i te ’ōrama mātāmua (H16–17).

• Hō’ē ’ā’amu e ha’api’i nei nāhea te fa’aho’i-fa’ahou-ra’a mai e nehenehe ai e ha’amaita’i i tō tātou ’utuāfare (H20–21).

E ’ere ānei e mea fa’ahiahia i te mea ē, e nehenehe tātou e riro ’ei melo nō te ’Ēkālesia a Iesu Mesia i te Feiā Mo’a i te mau Mahana Hope’a nei ? E fa’a’ite ana’e tātou i te mau parau ’āpī maita’i nō Iesu ’e tāna ’Ēkālesia i tō te ao nei !

’Ia ’oa’oa i te Pāsa,

Te Hoa

Nāhea i te hāpono i te ’ohipa anoihi ’aore rā te ’ohipa i tupu nō tā ’outou tamari’i i te Liahona

Haere i ni’a ia liahona.ChurchofJesusChrist.org ’e ’a pata i ni’a iho i te « Submit an Article or Feedback. » ’Aore rā ’a hāpono rata uira mai i te [e-mail] tae noa atu i te i’oa o tā ’outou tamari’i, tōna matahiti, te ’oire fa’aeara’a, ’e teie parau fa’ati’a : « ’O vau, [tu’u i tō ’outou i’oa], tē fa’ati’a nei au i Te ’Ēkālesia a Iesu Mesia i te Feiā Mo’a i te mau Mahana Hope’a nei ’ia fa’a’ohipa i te mau mea i hāpōnohia atu nō ni’a i tā’u tamari’i i roto i te mau ve’a a te ’Ēkālesia, i ni’a i te mau tahua natirara a te ’Ēkālesia ’e i ni’a i te mau tahua rāve’a ha’apararera’a ato’a. » Maoro noa mātou i te fa’aro’o ia ’outou !

© 2020 nā Intellectual Reserve, Inc. Fatura’a pāruruhia.

’Imi i te Liahona hunahia i roto !