Te hiero ’e ’outou
Hou ’a fa’aho’ihia mai ai te ’Ēkālesia, ’ua ti’aturi te ta’ata ē, mai te mea e pohe te hō’ē ta’ata i roto tō rātou ’utuāfare ma te ’ore e bāpetizohia, e’ita roa atu rātou e ’ite fa’ahou iāna. Maoti rā te fa’aho’i-fa’ahou-ra’a mai, e nehenehe tātou e bāpetizohia nō rātou i roto i te hiero. E nehenehe tātou e tā’atihia nō te tau a muri atu !
Mai ia Iosepha Semita, ’ua mā’iti-ato’a-hia ’outou nā te Metua i te ao ra nō te rave i te ’ohipa faufa’a i roto i tō ’outou orara’a. E nehenehe te tahi o taua ’ohipa ra e ravehia i roto i te mau hiero. E nehenehe ’outou e ha’aputu i te mau i’oa o tō ’outou mau tupuna tei ’ore i bāpetizohia ’a ora ai rātou i ni’a i te fenua nei. ’E i muri a’e i te fāri’ira’a ’outou i te hō’ē parau fa’ati’a nō te hiero, e nehenehe ’outou e haere i te hiero ’e ’ia bāpetizohia nō rātou.
’Ia rave ’outou i teie ’ohipa, ’a pure i te Metua i te ao ra ’ia arata’i mai ia ’outou. E nehenehe ato’a tō ’outou mau tupuna e tauturu mai ia ’outou. ’Auē ïa ha’amaita’ira’a faufa’a ’e te mo’a nō ’outou ’e nō rātou !
E’ita paha te tahi pae o ’outou e nehenehe e rave i te ’ohipa hiero i teienei, tē vai ra rā te mahana e nehenehe ai ’outou e rave. Ha’amana’o noa ē, e tamari’i ’outou nā te Atua. ’Ua here maita’i roa ’oia ia ’outou.
’A fa’aro’o i te muhumuhu a te Vārua maita’i ’e ’a fa’aineine nō te haere i te hiero i te hō’ē mahana. ’Ia rave ’outou i te reira, e tauturu ïa te reira ia ’outou ’ia patu i te hō’ē orara’a fa’ahiahia nō ’outou iho ’e nō tō ’outou mau ’utuāfare i mūta’a ra, i teienei, ’e a muri a’e. Mai te mea ē, e rave ’outou i te ’ohipa a te Fatu, e tauturu ’oia ia ’outou. ’O ’outou te hō’ē o tāna mau vārua itoito roa a’e. ●
Fa’ahoho’ara’a nā Jared Beckstrand