Ha’amaita’i i tō tātou ’itera’a nō te hiero
« ’O te hiero mo’a te hei pirū o te fa’aho’i-fa’ahou-ra’a mai. E mea faufa’a tōna mau ’ōro’a mo’a ’e te mau fafaura’a nō te fa’aineinera’a o te hō’ē nūna’a nō te fāri’i i te Fa’aora i tōna tae-piti-ra’a mai. »1
I terā ’e terā taime, ’ua rave te Peresidenira’a Mātāmua i te tahi mau tauira’a i roto i te mau ’ōro’a ’e te mau terera’a o te hiero nō te ha’amaita’i i te ’itera’a hiero nō te mau melo, ’e nō te tauturu i te mau ta’ata ato’a e tomo i roto ’ia ’ite i te hō’ē tū’atira’a fātata roa i te Atua i roto i teie mau vāhi mo’a.
’Ei tuha’a nō te ’itera’a hiero, e ’ō’omo te mau melo i te ’ahu ’ōro’a e tōna aura’a ha’api’ira’a tumu ’e te fa’ahōho’ara’a mai te au i te ’ohipa hiero o te faufa’a tahito (’a hi’o Levitiko 8 ’e Exodo 28).
’Ua ravehia te tahi mau tauiuira’a i te ’ahu ’ōro’a hiero. ’Aita teie mau tauira’a e taui i te mau tāpa’o ’aore rā, te ha’api’ira’a tumu o te hiero, ’ua ’ōpuahia rā nō te fa’a’ōhie, nō te fa’aau māite, ’e nō te fāri’i ’ōhie i te ’itera’a hiero, nā roto i te fa’a’ōhiera’a i te ’ō’omora’a, te ’atu’atura’a ’e te ho’ora’a mai i te ’ahu hiero.
Teie te tahi o te reira mau tauira’a :
-
Hō’ē hōho’a ’ōhie a’e nō te pāruru ’e nō te ’ahu.
-
Te ’īritira’a i te ’api urina i roto i te tāupo’o ’e te taura tā’amu i ni’a i te tāupo’o ’e te pāruru.
-
Te fa’a’ohipara’a i te mātēria pa’ari a’e nō te ’ahu, te tāupo’o ’e te pūtē, o te vai maoro ’e te ’ōhie ’ia ’atu’atu.
Te ti’aturi nei mātou ē, e tauturu teie mau tauira’a ’ia ha’amaita’i i teie ’itera’a mo’a nō ’outou a fa’ariro ai ’outou i te ha’amorira’a hiero ’ei tuha’a tāmau nō tō ’outou orara’a.