Itulau i le lotoifale
Ua Faafaigalueina se Amerika e avea ma Komesina o Leoleo a Niue
Ua foi mai se alii sa avea muamua ma faifeautalai ma lona aiga i le motu pele.
Fesili atu i soo se faifeautalai po o le a se mea na umi le aafiaga ia i latou i la latou misiona ma o le tele lava o tali o le a e maua o le alofa o tagata na latou auauna atu i ai.
E leai se eseesega mo Tim Wilson o Ridgefield, Uosigitone. Na auauna atu Tim i le motu o Niue, o se atunuu e pulea lava e i latou le malo i le ogatotonu o le Pasefika i Saute, mai le 1994–1995. O lona alofa mo tagata, le latou aganuu ma le gagana, na taitaia o ia e toe asiasi i le motu e 100 maila faatāfafā, e faatolu i le fa tausaga talu ai faatasi ma lona aiga.
O lona naunau tele e faaauau ona auauna atu i tagata atonu i le motu e aupito i mamao ese i le Pasefika i Saute, na taitai atu ai o ia e talosaga ma faamanuiaina mo le tofi o le Komesina o Leoleo. E manaomia e le Komesina o Leoleo o Niue le sili atu ma le na o le faamalosia o le tulafono. Na te tauaveina foi tiutetauave o le Puleaina o Faalavelave ma Galuega tau Faalavelave Faafuasei. Ma le isi, o le a valaaulia foi o ia e puipuia vai o Niue faapea foi ma fanua. E taulima foi e le matagaluega a leoleo le puleaina o le uafu mo vaafailā ma le saogalemu o le malaevaalele ma le siakiina o ato.
Na manatu Uso Wilson o se auala sili lea e taui atu ai i ana uo pele i motu mo le alofa maoae ma le agalelei na faaalia ia te ia i le 25 tausaga talu ai. Ua i ai se tikeri maualuga o Wilson ma le silia ma le 2000 itula o aoaoga faaleoleo maualuluga. O lona malamalama i le aganuu, tagata ma le gagana o le a taua tele i lana auaunaga.
O le auala o le taitaiga a Tim e le mafai lava ona ia manaomia ai se isi e i lalo ifo e faia se mea na te le naunau lava e faia. O le ituaiga o taitaiga lea na ia aoaoina i lana auaunaga atoa lava i le Ekalesia ma ao avea ma se faifeautalai.
E faigata ona fealuai i le motu ma e i ai lava tagata e ofo fua atu faapea latou te iloaina le “Palagi” (tagata ese) e tautala faaNiue e pei o isi i le lotoifale. E faafetai Tim i lona faitauina o le Tusi Paia faaNiue ma lona mafaia ona faatumauina lona tomai i le gagana.
Na faatalanoaina Tim i le leitio faaNiue ma na talanoa atu i tamaiti aoga i Niu Sila e uiga i le tofi ma le aganuu ma le taua o le faatumauina o le malamalama i le mea e sau ai le tagata.
O le toatolu o le fanau e toalima a Tim ma Carrie Wilson o le a faatasi atu ma i laua i Niue, ma o le toalua e ono asiasi atu i se taimi. Ua tulimatai atu le aiga i le siitia atu i Niue. La te fiafia i le avanoa e nonofo ai i se nofoaga saogalemu faaasi ma le saolotoga e faatagaina e le saogalemu. Ua tele lava uo a le aiga i malaga talu ai i le motu ma ua fiafia lava e faateleina na uo. O le fagota, maulu, aau ma le faitogalaau o gaoioiga uma ia e faamoemoe le aiga e faia i taimi masani.
Na fai mai Tim ua le mafai ona ia faatali e ai i taumafa Niue e fiafia lava i ai ma faatumu le pusaaisa i niu ua uma ona o’a e feinu ai. O le suiga o le a itiiti lava aua ua faatolu ona malaga mai i Niue le aiga i ni asiasiga uumi lava.
E manao Tim i le motu ia faaauau pea le avea o se nofoaga saogalemu e nofo ai. Ua ia faamoemoe o le a avea e faapei o se lagi o le a toe foi mai i ai tagata Niue i fafo ma toe maua ai lo latou tofi.
E masani lava ona tau atu e faifeautalai ia te oe le tele o lo latou alofa mo tagata na latou auauna atu ai mo le lua tausaga. O Tim Wilson, ua faatasia ma lona aiga, ua sailia se ala e faaauau ai ona auauna atu, e oo lava i le mavae ai o le luasefulu lima tausaga.