Ipakita ug Isulti

Sa mas bata pa ko, aduna akoy sakit sa panit. Kada adlaw nag-ampo ko nga ang Langitnong Amahan moayo kanako. Nakat-on ko nga magpailub, ug human sa lima ka tuig naayo ako. Nasayud ko nga ang Langitnong Amahan modungog sa atong mga pag-ampo.

Juyoung K., edad 12, Gyeonggi, South Korea

Ang manghud nga babaye sa akong higala mahadlok og mga iro. Sa dihang pipila ka iro miduol kanamo, giabug nako kini palayo aron dili siya mahadlok.

Hyrum F., edad 7, Maputo, Mozambique

Ganahan ko nga adunay binuhi nga mga stick insect. Ang usa niini nasakit pag-ayo. Nag-ampo ko nga mamaayo siya. Pagkasunod buntag, mitan-aw ko sa iyang tangkal ug maayo na siya. Nasayud ko nga ang Langitnong Amahan nakadungog sa akong pag-ampo.

Tahnee C., edad 8, Wellington, New Zealand

Ang akong papa na-stroke ug miadto sa ospital sa dihang siyete anyos pa ko. Didto pa gihapon siya sa ospital sa dihang nag-otso anyos na ko. Mihukom ko nga maghulat hangtud nga makagawas ang akong papa gikan sa ospital aron mabunyagan ug makumpirmahan. Usa kadto sa labing malipayong mga adlaw alang kanako.

William M., edad 9, Queensland, Australia

Sa dihang nag-eskwela ko, pipila sa mga estudyante ganahan og makahadlok nga mga istorya. Misulti sila kanako og usa ka istorya nga misugod gayud sa paghasol nako sa gabii. Usa ka gabii, mihukom ko nga mag-ampo sa Langitnong Amahan nga wagtangon kini sa akong hunahuna, ug mitabang Siya nako nga makatulog matag gabii. Diha ako nakaamgo nga mahimo akong mag-ampo ngadto Kaniya bisan asa ug bisan kanus-a.

Enerel T., edad 11, Ulaanbaatar, Mongolia

“Mga Bata sa Tibuok Kalibutan,” Alexia W., edad 10, Heredia, Costa Rica

Miguel T., edad 7, Nuevo León, México

Background gikan sa Getty Images