Unsaon Nako sa Paglihok Diha-diha Dayon uban sa Pagtuo?

Ang matinud-anon ug diha-diha dayon nga mga aksyon ni Abish diha sa Basahon ni Mormon nagpakita kon sa unsang paagi ang pagtuo makatabang sa pagdala sa uban ngadto ni Kristo. Ikonsiderar kon sa unsang paagi siya hingpit nga “nakabig ngadto sa Ginoo” (Alma 19:16).

Nasayud Siya Niini

Ang pagtuo ni Abish hugot kaayo nga sa dihang nakita niya nga ang pamilya ni Lamoni nangatumba sa yuta, siya “nasayud nga kini mao ang gahum sa Dios” (Alma 19:17). Unsaon nimo pagpalig-on sa imong pagtuo aron masayud, sama sa gibuhat ni Abish, sa gahum sa Dios?

Siya Midagan

Sa dihang naila ni Abish ang gahum sa Dios siya “midagan ngadto sa usa ka balay ug ngadto sa lain nga balay” ug misulti sa katawhan sa pagtan-aw sa milagro (Alma 19:17). Ang iyang pagtuo mihatag kaniya og gahum sa paglihok diha-diha dayon. Aduna bay mga aspeto sa ebanghelyo diin naglakaw ka imbis nga magdagan sa paglihok sa kabubut-on sa Dios uban sa pagtuo?

Mikuha Siya sa Uban pinaagi sa Kamot

Si Abish “mikuha sa rayna pinaagi sa kamot” uban ang pagtuo nga makapabarug kini sa rayna (Alma 19:29). Gihimo niya ang daw imposible tungod sa iyang pagtuo sa Dios. Unsaon nimo sa paglig-on sa imong pagtuo sa Dios ug pagkab-ot sa imposible diha sa imong kinabuhi?

Mga paghulagway pinaagi ni Andrew Bosley; background gikan sa Getty Images