Ang Pagpahiuli sa Aaronic nga Pagkapari
Diha Kaninyo nga Akong Kauban nga mga Sulugoon, ni Linda Curley Christensen ug Michael Malm
Niadtong Mayo 15, 1829, gitugyan ni Juan Bautista ang Aaronic nga Pagkapari ngadto ni Joseph Smith ug Oliver Cowdery. Kini nga mga kinutlo sa ilang mga paghinumdom nianang importante nga adlaw nagpakita unsa kadto ka talagsaon nga panghitabo.
“Ang sinugo nga miduaw kanamo niini nga higayon mitugyan niini nga Pagkapari ngari kanamo, miingon nga ang iyang ngalan mao si Juan, kadto gihapon nga gitawag og Juan Bautista sa Bag-ong Tugon, ug nga siya nagbuhat ubos sa panudlo ni Pedro, Santiago, ug Juan, kinsa naghupot sa mga yawe sa Pagkapari ni Melchizedek.”
Joseph Smith, sa Joseph Smith—Kasaysayan 1:72
“Ingon nga gikan sa taliwala sa kahangturan, ang tingog sa Manunubos misulti og kalinaw ngari kanamo, samtang ang tabil gibukas ug ang anghel sa Dios mikunsad nga gisul-uban uban sa himaya, ug gihatud ang gipaabut nga mensahe, ug ang mga yawe sa Ebanghelyo sa paghinulsol. Unsa ka hingpit nga kalipay! unsa ka katingalahan! unsa ka kahibulongan!”
Oliver Cowdery, sa Joseph Smith—Kasaysayan 1:71, mubong sulat
Bible video nga paghulagway ni Juan Bautista nga nagbunyag ni Jesukristo.
Si Oliver Cowdery kauban usab ni Joseph Smith niadtong 1836 sa diha nga ang mga yawe sa pagkapari gipahiuli diha sa Templo sa Kirtland.
Ang Suba sa Susquehanna sa Harmony, Pennsylvania, duol sa dapit diin si Joseph Smith ug Oliver Cowdery gibunyagan niadtong Mayo 15, 1829.