Dali, Sunod Kanako: Basahon ni Mormon
Sa Unsang Paagi ang mga Pangutana ni Alma Makatabang Kanato sa Paglambo sa Espirituhanong Paagi?
Alma 5–7 Hunyo 1–7
Unsay Akong Kahimtang Karon?
Si Alma nangutana sa katawhan sa Zarahemla og 36 ka pangutana aron matabangan sila sa pagtimbang-timbang sa ilang espirituhanong paglambo. Si Presidente M. Russell Ballard, Akting nga Presidente sa Korum sa Napulog Duha ka mga Apostoles, mipasabut nga ang espirituhanong pagtimbang-timbang makatabang. Miingon siya, “Isip giya alang nako atol niining [pagtimbang-timbang] …, gusto nakong basahon ug pamalandungon ang makapahinuklog nga mga pulong nga makita diha sa ikalimang kapitulo sa Alma.”1
Unsay Kinahanglan Nakong Usbon?
Samtang imong basahon ang Alma 5:7–13, pangitaa unsay gitudlo ni Alma kon sa unsang paagi kita mahimong mag-usab ug mas mapaduol kang Kristo. Ikonsiderar unsa nga mga butang ang mahimo nimong usbon, ug paghimo og plano sa paglihok.
Sa Unsang Paagi Mipanalangin ang Ginoo Kanako?
Si Alma midapit usab sa katawhan sa paghinumdom kon sa unsang paagi ang Ginoo miluwas sa ilang mga amahan ug sa paghinumdom sa ilang pagkakabig. Ikonsiderar ang pagsulat sa imong istorya sa pagkakabig aron sa paghinumdom kon sa unsang paagi ang Ginoo mipanalangin kanimo. Mahimo ka usab nga mobasa sa mga istorya sa pagkakabig sa imong mga katigulangan o sa unang mga miyembro sa Simbahan.
“Nindot kon ang matag Santos sa Ulahing mga Adlaw nakahibalo sa mga istorya sa pagkakabig sa ilang mga katigulangan. … Matag usa nato mapanalanginan og maayo kon kita makahibalo sa mga istorya sa hugot nga pagtuo ug sakripisyo nga migiya sa atong mga katigulangan sa pag-apil sa Simbahan sa Ginoo.”2
Paghulagway pinaagi ni Carolyn Vibbert