Kinsa Man Ko?—Pagpili og Kard

Gamita kini nga mga kard aron modula sa dula diha sa mga pahina H12–H13.

Abish:Nakabig ako ngadto sa Dios mga katuigan na ang milabay, sa diha nga ang akong amahan nakaangkon og usa ka panan-awon. Samtang nagtrabaho alang ni Haring Lamoni, mitabang ko og daghang tawo nga makakat-on mahitungod sa gahum sa Dios.
Haring Lamoni:Sa dihang nakakat-on ko mahitungod sa ebanghelyo, nakaangkon ko og usa ka panan-awon. Nakakita ako ni Jesus! Akong gipaambit ang akong pagpamatuod ngadto sa akong amahan ug mitabang sa pagluwas sa mga misyonaryo gikan sa bilanggoan.
Korihor:Gisulayan nako sa pagkombinser ang mga tawo nga si Jesus dili tinuod ug nangayo og pruweba nga adunay Dios. Sa kalit lang dili na ko makasulti o makadungog!
Ammon:Usa ako sa mga anak nga lalaki ni Mosiah. Panahon sa akong misyon, akong gipanalipdan ang panon sa mga hayop ni Haring Lamoni. Akong gitudloan si Haring Lamoni ug ang rayna mahitungod sa ebanghelyo.
Mga Anti-Nephi-Lehi:Mga Lamanite kami kaniadto kinsa kanunay nga nakig-away, apan nakahukom kami nga mosunod sa Dios. Busa among gilubong ang among mga hinagiban sa gubat ug misaad nga dili na gayud makig-away pag-usab.
Alma nga Batan-on:Gihinganlan ko og sama sa akong amahan, ang propeta. Ang akong mga higala ug ako mihimo og dili maayo nga mga pagpili. Apan naghinulsol kami ug nahimong mga misyonaryo.
Ang Rayna:Gipanalipdan nako ang akong bana sa dihang ang uban nagtuo nga patay na siya. Human ko nakakat-on bahin sa Dios, ang akong sulugoon nga si Abish mitabang nako sa pagbarug ug pagtudlo sa uban.
Kapitan Moroni:Ako ang kapitan sa kasundalohan nga Nephite, apan dili ko ganahan nga makapasakit og mga tawo. Gihimo nako ang bandila sa kalingkawasan aron sa pagpahinumdom sa mga tawo sa unsay labing importante nga panalipdan.
Batan-on nga mga Manggugubat:Nakat-on kami mahitungod sa hugot nga pagtuo gikan sa among mga inahan. Sa dihang kinahanglan namo nga panalipdan ang among mga pamilya, misalig kami nga ang Dios motabang kanamo. Ug gibuhat Niya!
Aaron:Usa ako sa mga anak nga lalaki ni Mosiah. Sa akong misyon, gitudloan nako ang amahan ug inahan ni Haring Lamoni. Dayon mihimo sila og mga balaod nga nanalipod sa mga misyonaryo sa ilang kayutaan.
Amalickiah:Gusto gyud nako nga mahimong hari! Akong gihiloan ang labaw sa mga Lamanite ug gikuha ang iyang kasundalohan. Gisulayan nako sa pagkombinser ang mga tawo nga makig-away ug mopasakit sa usag usa.
Ang Sulugoon nga Babaye:Sa dihang dunay mipasakit kanako, igo ang akong kaisug sa pagsulti og usa ka tawo mahitungod niini ug sa pagpangayo og tabang. Mitabang ko ni Kapitan Moroni sa pagpanalipod sa iyang katawhan.

Mga paghulagway pinaagi ni Jeff Harvey