Dali, Sunod Kanako
Sa unsang paagi ang Dios mopundok kanato?
Doktrina ug mga Pakigsaad 37–40
Abril 12–18
Ang Manluluwas misugo kanato nga “magkahiusa.” Miingon Siya, “Kon kamo dili magkahiusa kamo dili akò” (Doktrina ug mga Pakigsaad 38:27). Usa ka paagi nga kita mahimong magkahiusa mao ang pinaagi sa pagpundok.
Si Presidente Henry B. Eyring, Ikaduhang Magtatambag sa Unang Kapangulohan, mitudlo: “Gusto gayud sa atong Langitnong Amahan nga pundukon ug panalanginan ang tanan sa Iyang pamilya.”1 Ania ang tulo ka paagi nga kita makapundok ug mahimong magkahiusa diha sa hugot nga pagtuo.
1. Pagpundok sa usa ka dapit
Sa kinaunahan nga mga adlaw sa Pagpahiuli, ang Dios misugo sa Iyang mga Santos nga “pagapundukon ngadto sa usa ka dapit … aron pag-andam sa ilang mga kasingkasing ug makapangandam sa tanan nga mga butang” (Doktrina ug mga Pakigsaad 29:8).
Ang nag-unang mga Santos sa Ulahing mga Adlaw nagpundok sa daghang mga dapit, sama sa Ohio, Missouri, Illinois, Utah, ug England. Ang pagpundok og dungan nakatabang sa paglig-on sa mga miyembro ug sa pagtukod sa Simbahan.
2. Pagpundok kon asa kamo
Paglabay sa panahon, ang mga lider sa Simbahan misugod sa pag-awhag sa mga miyembro sa pagpundok ug pagpalig-on sa Simbahan sa ilang mga yutang natawhan. Bisan asa ang mga miyembro magpundok, sila makaapil sa pagpundok sa nagkatibulaag nga Israel. Ang Ginoo mipahayag, “Ako adunay mahinungdanon nga buhat nga giandam, kay ang Israel pagaluwason” (Doktrina ug mga Pakigsaad 38:33).
3. Pagpundok diha sa duha ka habig sa tabil
Gitawag kita sa Dios “sa pagpahinabo sa pagpundok sa akong pinili” (Doktrina ug mga Pakigsaad 29:7). Naglakip kini niadtong atong mapundok pinaagi sa misyonaryo nga buhat ug niadtong atong mapundok sa pikas nga habig sa tabil. Si Elder Dale G. Renlund sa Korum sa Napulog Duha ka mga Apostoles mitudlo: “Kon tigumon nato ang atong mga family history ug moadto sa templo para sa atong katigulangan, tumanon sa Dios ang daghan [sa] gisaad nga panalangin sa mga buhi ug patay na.”2
Panaghisgotan
Unsa nga mga panalangin ang inyong nadawat pinaagi sa pakigpundok sa ubang mga Santos? Sa unsang paagi kamo napanalanginan pinaagi sa pagtabang sa Dios sa pagpundok sa Iyang mgaanak?