Dali, Sunod Kanako
Unsa ang gitudlo ni Joseph Smith kabahin sa kamatayon ug pagkabanhaw?
Pasko sa Pagkabanhaw
Marso 29–Abril 4
Si Joseph Smith nakat-on pinaagi sa pagpadayag nga ang tanan kinsa namatay mabanhaw ug mabuhi pag-usab tungod ni Jesukristo (tan-awa sa Doktrina ug mga Pakigsaad 29:26). Ania ang pipila sa malaumon nga mga doktrina nga iyang gipaambit.
Adunay paglaum bisan diha sa pagbangutan.
“Nagbangutan ang akong kasingkasing alang niadtong gikuha gikan kanato, apan dili mahimo nga walay paglaum, tungod kay ako sila nga makita pag-usab ug ikauban sila.”1
Ang kamatayon usa ka bahin sa plano sa Dios.
“Malisud gayud alang kanako ang pagpakabuhi dinhi sa yuta ug magtan-aw [sa akong mga igsoon nga sila Alvin ug Don Carlos] … nga gikuha gikan kanato taliwala sa ilang pagkabatan-on. … Hinoon nasayud ako nga kinahanglan kita magmalinawon ug masayud nga pagbuot kini sa Dios, ug modawat sa Iyang kabubut-on; nga maayo ra ang tanan.”2
Ang kamatayon temporaryo.
“Ang [atong] mga paryente ug mga higala nahimulag lamang gikan sa ilang mga lawas sa mubo nga panahon.”3
Ang mga matarung dili kinahanglan mahadlok.
“Aduna kita’y katarungan sa pag-angkon og pinakamahinungdanon nga paglaum ug kahupayan alang sa atong mga patay kay sa bisan kinsa nga mga tawo dinhi sa yuta.”4
Panaghisgotan
Sa unsang paagi ang mga saad sa Pagkabanhaw makahatag kanimo og paglaum ug kalinaw? Unsaon nimo sa pagpaambit ang ebanghelyo ngadto sa uban?