Sa unsang paagi ang Ginoo mopanalangin niadtong kinsa moserbisyo Kaniya?

Abril 5–11

Human gitawag sa pagbiya sa iyang pamilya aron moserbisyo og misyon, si Thomas B. Marsh gisaaran og daghang panalangin alang sa mga sakripisyo nga iyang gihimo aron makaserbisyo (tan-awa sa Doktrina ug mga Pakigsaad 31:2, 5, 7).

Uban ni Brother Marsh, daghan ang nakadawat og mga panalangin samtang nagtinguha sila sa pagtukod sa gipahiuli nga Simbahan sa Ginoo sa tibuok kalibotan. Usa ka ehemplo mao si Johann ug Theresia Huber, kinsa mitabang sa pag-establisar sa Simbahan sa Austria sa sayong bahin sa mga 1900.

Hugot nga Pagtuo Bisan pa sa mga Kasakit

Sa dihang ang pamilya Huber nabunyagan sa Simbahan ug mibiya sa Katolisismo, ang nag-unang tinuohan sa Austria, mitumaw ang daghang sosyal ug legal nga mga isyu. Sa dihang ang mga tawo nakahibalo nga ang Huber nga mga bata wala magtambongan og pagkumpisal, mihulga sila nga kuhaon ang mga bata gikan sa ilang panimalay. Ang uban gani miingon kang Theresia nga biyaan si Johann.

Mga Panalangin ug Bag-o nga mga Oportunidad

Human sa Unang Gubat sa Kalibotan, nahanaw ang kaniadto nga relihiyoso nga mga pagpugong, nga nagtugot sa mga tawo sa gawasnong pagpuyo sa ilang tinuohan. Ang Ginoo miatiman sa pamilya Huber samtang nagpadayon sila sa pagpaambit sa ebanghelyo, ug wala madugay usa ka gamay nga branch ang nagsugod sa pagpundok sa kamalig sa mga Huber. Gitawag si Johann nga moserbisyo isip unang presidente sa branch sa Austria. Miserbisyo siya sulod sa 25 ka tuig.¹

Panaghisgotan

Sa unsang paagi ang Ginoo mipanalangin kaninyo ug sa inyong pamilya samtang miserbisyo kamo Kaniya?