Ania Dinhi ang Simbahan
Piriápolis, Uruguay
Mga Litrato pinaagi ni Cody Bell
Si Elsa Castillo De Aicardi ug ang iyang apo nga lalaki kanunayng maglakaw diha sa baybayon duol sa ilang balay. Niining litrato ilang gihulagway ang tulo ka komon nga gikahiligan sa Uruguay: pamilya, fútbol, ug ang baybayon. Sa kadaghanan sa Uruguayanong pamilya, ang mga apohan motabang sa pag-amuma sa mga apo. Sa Uruguay ang Simbahan adunay:
107,103 ka miyembro
134 ka kongregasyon
2 ka misyon, 1 ka templo
Pag-amuma sa mga Bata
Sa ulohang siyudad sa Montevideo, si Andrea Rodriguez nag-atiman sa iyang anak nga babaye samtang ang iyang bana, si Marcos Sormani, nakigdula sa uban nilang mga anak. “Ang mga buhing propeta nagtudlo kanato nga ang mga ginikanan adunay sagradong responsibilidad sa pag-amuma sa mga bata,” miingon siya.