Pumarito Ka, Sumunod Ka sa Akin

Ano ang itinuturo sa Doktrina at mga Tipan tungkol sa kabilang-buhay?

Doktrina at mga Tipan 137–138

Mga larawang-guhit ni Bryan Beach

Nakita kapwa ni Propetang Joseph Smith (1805–1844) at ni Pangulong Joseph F. Smith (1838–1918) ang mga pangitain tungkol sa kabilang-buhay. Ang mga paghahayag na ito ay nagbibigay sa atin ng mahalagang impormasyon tungkol sa mararanasan natin sa susunod na buhay.

• Ano ang nangyayari sa mga batang namatay bago umabot sa edad ng pananagutan? (Tingnan sa Doktrina at mga Tipan 137:10.)

• Sino ang dinalaw ng Tagapagligtas sa daigdig ng mga espiritu? (Tingnan sa Doktrina at mga Tipan 138:12–22.)

• Kapag tayo ay nabuhay na mag-uli, ano ang mangyayari sa ating espiritu at katawan? (Tingnan sa Doktrina at mga Tipan 138:16–17.)

• Sino ang matututo tungkol sa ebanghelyo sa daigdig ng mga espiritu? (Tingnan sa Doktrina at mga Tipan 138:29–35.)

• Ano ang nangyayari sa mga nasa daigdig ng mga espiritu na nagsisisi sa kanilang mga kasalanan? (Tingnan sa Doktrina at mga Tipan 138:58–59.)

Talakayan

Ano ang natutuhan ninyo mula sa Doktrina at mga Tipan 138:1–11 tungkol sa pagtanggap ng paghahayag? Paano kayo mas makapaghahandang tumanggap ng personal na paghahayag sa inyong buhay?

Yamang ang buhay na ito ang panahon para maghanda sa pagharap sa Diyos, paano ninyo matutulungan ang mga nasa paligid ninyo na marinig ang mensahe ng pagsisisi ng ebanghelyo?