“Camille N. Johnson,” Liaona, Me 2022.
Camille N. Johnson
Peresitedi Raraba ni iSoqosoqo ni Veivukei
E “dau vakila ni tiko e nodratou” o Camille N. Johnson ni lewena na iSoqosoqo ni Veivukei.
“Au raica ni tiko na veitacini vakamarama vei ira na yalewa era duidui mai vei au,” a kaya me baleta na veika e sotava ena iSoqosoqo ni Veivukei, oka kina e 30-vakacaca na yabaki ena veitabanalevu vakamatavuvale e Amerika kei Peru. “Au taleitaka na nodra bulaqaqa kei na vuku na marama ena iSoqosoqo ni Veivukei.”
Sa veikilai kei ira na dauveituberi kei na itokani ena iSoqosoqo ni Veivukei, oka kina eso era qase cake ka gone sara mai vei koya.
“Eda sa veitacini marama taucoko ena veika eda sa wasea vata ena noda gagadre meda lesu tale ki na noda itikotiko vakalomalagi ia ena veimataqali ka eda kila eda rawa ni vakayagataka meda veivukei kina vakai keda,” a kaya o Sisita Johnson.
Sa veiqaravi oti o Sister Johnson vaka Peresitedi Raraba ni Lalai ena yabaki sa oti. Ena tekivuna na nona veiqaravi vaka Peresitedi Raraba ni iSoqosoqo ni Veivukei ena 1 ni Okosita.
E dua na nona veikacivi taleitaki oya me na veivakavulici ena iSoqosoqo ni Veivukei.
“Au taleitaka na madigi meu vakaitavitaki ira na marama ka vakavulici ena Yalo vakakina vakai keimami ena auwa tabu oqori ena iSoqosoqo ni Veivukei. E kea eda sa tukuni Karisito ka rekitaki Karisito ka walia na veika e baleta na yaloda.”
A sucu o Camille Neddo enai ka 12 ni Sepiteba, 1963, vei rau o Hal kei Dorothy Neddo mai Pocatello, Idaho e Amerika. A vakamau kei Douglas R. Johnson enai ka 31 ni Julai, 1987, ena Valetabu e Salt Lake. E tolu na luvedrau tagane ka lima na makubudrau.
A taurivola mai na Univesiti e Utah ena vosa Vakavalagi ena 1985 kei na Univesiti e Utah S. J. Quinney Koliji ni Lawa ena 1989. A cakacaka o koya me sivia e 30 na yabaki vaka loya ka a peresitedi ni kabani ni lawa ni Snow Christensen& Martineau.
A peresitedi e liu ni Goneyalewa ena tabanalevu, ka sa veiqaravi talega vakalesoni ni mataveiliutaki ni iSoqosoqo ni Veivukei kei na Lalai ena tabanalevu o Sister Johnson ka qasenivuli ni iVakavuvuli ni Kosipeli kei na iSoqosoqo ni Veivukei. A veiqaravi vata talega kei na watina mai na 2016 ki na 2019 ena gauna a vakatulewataka tiko kina o watina ena Tabana ni Kaulotu e Peru Arequipa.