iTukutuku ni Valetabu
A kacivaka o Peresitedi Russell M. Nelson na ituvatuva me tara e 17 tale na valetabu, me kauta mai kina ki na 100 na iwiliwili ni valetabu sa kacivaki mai na gauna sa mai Peresitedi ni Lotu kina.
Ena tara na valetabu e volekati Wellington, Niu Siladi; Brazzaville, Republic of the Congo; Barcelona, Sipeni; Birmingham, United Kingdom; Cusco, Peru; Maceió kei Santos, Brazil; San Luis Potosí kei Mexico City Benemérito, Mexico; kei Amerika, Tampa, Florida; Knoxville, Tennessee; Cleveland, Ohio; Wichita, Kansas; Austin, Texas; Missoula, Montana; Montpelier, Idaho; kei Modesto, California.
iKuri ni Veivakavoui
Me tekivu mai na koniferedi raraba sa oti, era sa vakatabui se vakatabui tale na valetabu, siga ni dolavi raraba ni veivale, kei na yavu ni vakasobuduru e tuvai e vuravura raraba.
A vakatabui na Valetabu e Winnipeg Manitoba (Kenada) kei na Valetabu e Pocatello Idaho (Amerika), ka vakatabui tale na Valetabu e Mesa Arizona (Amerika). A kacivaki na tikinisiga ni vakatabui se vakatabui tale eso kei na siga ni dolavi raraba me baleta na valetabu mai Yigo, Guam; Praia Cape Verde; Rio de Janeiro, Brazil; Washington, D.C., Amerika; kei Tokio, Japani.
Sa kelivaki na qele ni Valetabu e Casper Wyoming (Amerika), na Valetabu e Pago Pago American Samoa, na Valetabu e Bacolod Philippines, kei na Valetabu e Freetown Sierra Leone. Sa tuvai tu na vakasobuduru me baleta na valetabu ena veivanua oqo e Amerika: Grand Junction, Colorado; Lindon, Utah; Farmington, New Mexico; Elko, Nevada; Burley, Idaho; Yorba Linda, California; kei Smithfield, Utah.
A kacivaki na veivanua eso, ka vakarautaki na kena droini, me baleta na Valetabu e Cape Town South Africa, na Valetabu na Querétaro Mexico, kei na Valetabu na Ephraim Utah.
Vakavinakataki
Na cakacaka ni tara kei na vakavinakataki e tomani tiko ena vica na valetabu e vuravura raraba, oka kina na kena vakavinakataki na Valetabu e Salt Lake kei na kena lomanibai, vata kei na palaza ni Church Office Building. Na veivakatorocaketaki oqo ena vaqaqacotaka, vakabulabulataka, ka vakarairai vinakataka na valetabu kei na kena veivanua wavolita, vakaisosomitaka na ivakarau ni kena gacagaca, ka caka vinaka na kena taqomaki kei na kauwai ni kena yavavala.
Sa vaqaqacotaki na valetabu me vorata e dua na uneune levu e 7.2; na kena kaukauwa, na yavu sa vaqaqacotaki me kua ni yavavala ka tudei tiko; era sa vakavoui na ivakarau ni vakalivaliva kei na sala ni wai; era sa tara na vanua vou ni curu; na olo era ca na dagona sa veisautaki ka tuvai vou na rara me vakalailaitaka na bibi ni qele ena ituvatuva e botoniqele; ka na vakavoutaki tale na lomanibai ni valetabu kei na valenivolavola ena olo me galala levu ka veikidavaki. Na kena vakavinakataki, ka tekivu ena 2020, sa na rawa ni vakacavari ena 2025.
Na veivakavinakataki oqo sa tomani tale tikoga ena veivaletabu e Hamilton, Niu Siladi; Hong Kong, Jaina; kei Columbus, Ohio, kei St. George kei Manti, Utah, Amerika. Me baleta na ituvaki ni tara ni valetabu tale eso, raica na isema e ra.
Lesu ki na iTuvaki Donu
Ena dua na ivola vei ira na iliuliu ni Lotu ka volai ena ika 15 ni Maji, 2022, eratou sa kacivaka kina na Mataveiliutaki Taumada ni veivaletabu e vuravura raraba ena vakamalua na nodra lesu tale ki na veicakacaka donu taumada. Oqo ena oka kina na tagutuvi ni ubi ni mata kei na vakatatabu ni iwiliwili, e yavutaki ena ituvaki ni vanua duidui. Na kena yavutaki ena valetabu yadua ena vakatulewataki mai vei ira na peresitedi ni valetabu kei na Mataveiliutaki ni iWasewase, ena veivakasalataki vata kei na Tabacakacaka ni Valetabu.