Kristin M. Yee

iKarua ni Daunivakasala ena Mataveiliutaki Raraba ni iSoqosoqo ni Veivukei

Ena vuravura oqo sa torocake tikoga na kena vakatakilakilataki na veisei kei na tu tani, sa raica o Sisita Kristin M. Yee na iwali ni veivakabulai ki na leqa ni veimaliwai oqori ena kosipeli i Jisu Karisito kei na iSoqosoqo ni Veivukei.

“Na iSoqosoqo ni Veivukei e vakaduavatataki keda ena ruku ni Nona lewa,” e kaya o koya. “Na vanua cava ga au lakova e vuravura, au vakasaqarai ira na marama ni iSoqosoqo ni Veivukei, kau vakila vakatotolo niu lomani ka kilai. Eda sa ucuya na ivakaraitaki dei nei Karisito vakakina ena noda ivakadinadina me baleti Koya.”

Sisita Yee, ka a veiqaravi voli ena matabose raraba ni veivakasalataki ena Lalai, a torova na nona veikacivi vou vaka iKarua ni Daunivakasala ena Mataveiliutaki Raraba ni iSoqosoqo ni Veivukei ka vakadeitaka ni sega ni cakacaka duadua.

“Sa vakatulewa tiko na Turaga, kau sa vakararavi Vua,” e kaya o koya. “Au vakila talega vakaukauwa ni da gadrevi ira kece ena Nona cakacaka. Sa tiko kece na noda itavi meda cakava, ka sa rawa meda tiki ni cakacaka vata oqo. Au vakavinavinakataka na madigi meu veiqaravi.”

A sucu o Kristin Mae Yee enai ka 5 ni Me, 1981, mai Sacramento, California, Amerika, vei rau o Ryan R. Yee kei Jaydean Fox McKay. E muri a qai toki ki Idaho, Amerika, ka qai gole ki Utah.

A raica ena gauna ni se gone ni dau taleitaka ka vakaitaledi ena cakacaka ni liga, ka a dusimaka na nona sala vakavuli ka me kenadau ena ilesilesi eso. E taura na koroi lailai ni cakacaka ni liga totoka mai na Brigham Young University–Idaho kei Brigham Young Univesiti. Ena 2019 a rawata kina e dua na masita ni veiliutaki raraba mai BYU.

Na maqosa vakacakacaka nei Sister Yee kei na nona vakanamata a muataki koya ki na nona itutu vakadaudroini ka veiuliutaki ena Disney Interactive Studios, ka cakacaka voli kina me 13 na yabaki. Ena gauna oqo sa liutaka tiko na timi ni iyaloyalo ena Lotu. Na nona droini vakosipeli e oka kina na iyaloyalo ni nona veiqaravi vakalotu ena bula oqo na iVakabula.

Sa veiqaravi oti o Sister Yee ena vuqa na veikacivi ni Lotu, oka kina na peresitedi ni iSoqosoqo ni Veivukei ena iteki, daunivakasala ni mataveiliutaki ni iSoqosoqo ni Veivukei ena tabanalevu kei na qasenivuli, peresitedi ni Goneyalewa ena tabanalevu, qasenivuli ni iVakavuvuli ni Kosipeli, daukaulotu ni tabanalevu, ka liganicakacaka vakalotu ni valetabu.