iVurevure Vou

Sa vakarautaki wale tikoga oqo na ivurevure me vukei ira na lewenilotu me ra bulataka na kosipeli, vaqaqacotaka na nodra matavuvale, ka qarava na itavi ni Lotu.

iTalanoa mai na Veiyalayalati Makawa

Na ivola vakaiyaloyalo oqo sa vakabulabulataki tale na kena droini kei na itukutuku volai me na vukea na matavuvale ena nodra vuli e vale. Na ivola vakavoutaki oqo e tiko kina e sivia na 350 na droini vou. Sa volai vou tale na italanoa kece e liu, sa vakuri e ciwa na italanoa, ka sa vakadewataki na ivola oqo ki na 63 na vosa. Era sa tauyavutaki na vidio vakaiyaloyalo kei na vosa cavuti ena 10 na vosa me baleta na italanoa yadua. Sa vakarautaki tu ena initaneti na iTalanoa ni Veiyalayalati Makawa kei na kena vidio ena scripturesto.ries.ChurchofJesusChrist.org, ena Gospel Library kei na Gospel for Kids apps, vakakina ena YouTube. Na kena e tabaki e rawa ni tauri mai na store.ChurchofJesusChrist.org se ena sitoa ni Lotu.

Musolomani kei na Yalododonu Edaidai: Vakabauta, Yavunibula, kei na iVakarau ni Bula

Na ivolalailai vou oqo e vakamacalataki ira na Musolomani (o ira na daumuri Isilama) kei ira na Yalododonu Edaidai vakai ira. E a vakaraitaki taumada vei rau o Elder David A. Bednar kei Gerrit W. Gong ena Kuoramu ni iApositolo Le Tinikarua ena dua na koniferedi baleti ira na Islam e Brigham Young University ena Okotova 2021. Sa vakarautaki tu na ivolalailai ena Gospel Library (ena ChurchofJesusChrist.org se ena mobile app) ena Arapea, Vakavalagi, Farsi, Varanise, Jamani, Rusia, Sipeni, kei na Turkish. Ena Gospel Library, lako ki na iVola kei na Lesoni ka qai dolava na Veimaliwai ni Veimatalotu.

Madigi ni Sikolasivi

Na BYU–Pathway e Vuravura Raraba sa solia tiko oqo e dua na madigi ni sikolasivi vei ira yadua na gonevuli, ka yavutaki ena gagadre. E sega ni dua na cakacaka se rawa-ka vakavuli e gadrevi me rawati kina na sikolasivi. O ira na gonevuli volayaca e PathwayConnect me ra vakacavara ga e dua na module vakaitukutuku.

Kunea na Kaukauwa ena Turaga: Valulesu ni Vakasama

Na vuli ni bula rawati koya oqo sa vakarautaki tu ena Albanian, Jaina, Czech, Danish, Dutch, Vakavalagi, Vanise, Jamani, Hungian, Itali, Japani, Korea, Potukali, Rusia, kei na Sipeni.

iDusidusi ni Veikacivi

Na idusidusi vou ni veikacivi ni veiliutaki ena vukei ira na iliuliu ni Goneyalewa me vakasalataki ira na itabagone. Me kunei na idusidusi ena Gospel Library, lako ki na iVoladusidusi kei na Veikacivi eso, tarava mai na Veikacivi ni Tabanalevu se Tabana ka vakakina ena Goneyalewa. Eso tale na ikuri ni ivurevure e rawa ni kune ena YoungWomen.ChurchofJesusChrist.org

iTukutuku ni Veitaratara

O ira na Yalododonu Edaidai a laki kaulotu me tekivu mai na 2000 sa rawa ni wasea na nodra itukutuku ni veitaratara vei ira na nodra iliuliu ni kaulotu e liu ena dua na dairekitori vou ni kaulotu ena app ni Member Tools. Ena nona digitaka, e dua na daukaulotu e liu e rawa kina vei ira na iliuliu ni kaulotu me ra raica na yacana kei na itukutuku ni veitaratara. Me ra qai vakayagataka na iliuliu ni kaulotu na itukutuku oqo me ra veitaratara kei ira na daukaulotu, vakatamata yadua se vakailawalawa.

Kosipeli Me Baleti Ira na Gone

Na jenala oqo ni YouTube sa tiko kina na vosa vaka-Valagi, vaka- Potukali, kei na vaka- Sipeni. Na iwasewase vou ni Gospel Library ka vakatokai na Gonelalai e vakatarai ira na gone me ra vakaitavi ena italanoa, vidio, kei na itaviqaravi veisemati.

iVoladusidusi Raraba: Veiqaravi e Na Lotu i Jisu Karisito ni Yalododonu Edaidai

Na veivakavoui sa oti era sa vakacavari ena vosa Vakavalagi, kei na veivosa tale eso me ra muria ena 2022.