“Elder Ryan K. Olsen,” Liaona, Me 2022.
Elder Ryan K. Olsen
Vitusagavulu Vakaitutu Raraba
Ena gauna a tubucake tiko kina o Elder Ryan K. Olsen mai Sandy, Utah, Amerika, rau a sega ni vakatara na nona itubutubu me biuta na vale ke sega na veivakananumi veivakatakilai oqo: “Nanuma o cei o iko.”
“E dau vakayaco cudru sara ga vei au niu se cauravou kina,” a kaya, ka dredrevaka sara. “Ia na veivosa oya e vukei au meu nanuma na kequ ivakatakilakila vakalou. A vukei au meu nanuma tiko ni tiko e dua na Tamaqu Vakalomalagi e lomani au ka sa noqu itokani vinaka duadua na iVakabula. Na veika kece eda rawa ni nuitaka meda cakava se rawata sa mai Vua duadua ga.”
Na vakadeitaki ni nona kilai koya tiko kei na ivakaraitaki ni nona itubutubu, itokani daukaulotu, itokani ni Lotu, kei na daunivakasala vakabisinisi vuku era sa iyaya talei ni cakacaka nei Elder Olsen ena vakayagataki ena nona tekivuna na nona veiqaravi vaka-Vitusagavulu Vakaitutu Raraba.
A sucu ena 11 ni Okotova, 1974, ka susugi cake ena Buca o Salt Lake, o Ryan Kirk Olsen e luvedrau o Kirk kei Cathy Olsen.
Na nona taleitaka o Elder Olsen na vosa vaka- Latin Amerika kei na vaka-Sipeni a mai vaqaqacotaki ena nona sa laki veiqaravi kina vakadaukaulotu tudei ena Tabana ni Kaulotu e Argentina Resistencia. E muri, erau a veiqaravi vata kei na watina, o Julie Dorrington Olsen, ena gauna a vakatulewataka kina na Tabana ni Kaulotu na Uruguay Montevideo West mai na 2016 ki na 2019.
Erau a vakamau kei Sisita Olsen enai ka 20 ni Noveba, 1998, ena Valetabu e Salt Lake. Erau itubutubu ni lewe va na gone.
Ena gauna a kacivi kina me Vakaitutu Raraba ena Vitusagavulu, a veiqaravi tiko o Elder Olsen vaka-Vitusagavulu ni iWasewase. Sa veiqaravi oti talega vakaperesitedi ni iteki, peresitedi ni kaulotu ena iteki, lewe ni matabose e cake, bisopi, daunivakasala ena matabisopi, ka daunivakasala ena mataveiliutaki ni Cauravou ena tabanalevu.
A rawata o Elder Olsen e dua na diqiri ni veitaratara vakalewevuqa mai na Univesiti e Utah ka sa cakacaka oti ena veimataqali loga ni bisinisi. A peresitedi tiko ni wasewase ena Arthur J. Gallagher & Co., e dua na kabani ni inisua e vuravura raraba, me yacova na nona kacivi me peresitedi ni kaulotu. Ena gauna e kacivi kina ki na Vitusagavulu, a cakacaka tiko vaka-ivukevuke ni peresitedi ni iwasewase ena kabani oya.