J. Anette Dennis

Matai ni Daunivakasala ena Mataveiliutaki Raraba ni Soqosoqo ni Veivukei

Ni oti nona vakayagataka nona gauna ni gone ena veivanua duidui eso e Amerika, a nanuma o Sister Jeannie Anette Dennis ni sa dina na nona tatadra ni ratou sa toki na nona matavuvale ki Cottonwood Heights, Utah.

“Au nanuma ni tamata kece e Utah e lewe ni Lotu ka na dua na vanua vakalomalagi eke,” e kaya o koya.

Ena imatai ni vica na siga ena kalasi ciwa, sa maqusa sara me na sureti ki na dua na pati. Ia e dua na goneyalewa a yaco me nona itokani vinaka duadua a vakasalataki koya ni ra na vakayagataka tiko na waigaga na tamata ena pati.

“Au a vulica totolo sara ni vuravura e tu ena veivanua kecega,” e kaya o koya. Na nona ivakadinadina kei na nona vuvale e kena usutu na kosipeli, a kaukauwa tikoga kina o koya ena gauna taucoko ena koronivuli torocake.

A sucu mai Provo, Utah, ena June 1960, o Jeannie Anette Herrin ka ulumatua vei ira na luvedrau e vitu o Curtis Lamar kei Patricia Joanne Herrin. Na cakacaka nei tamana a vakauti iratou kina na nona vuvale ki Mississippi, Tennessee, Iowa, Nebraska, kei Utah.

A vulica na vuli paraimari ena Brigham Young Univesiti ka vakoroi lailai ena vosa vakasipeni. Ena dua na ilakolako ni kalasi ki Mexico, a sotavi Jorge Dennis, ka rau tekivu veivolavolai na lewe rua oqo.

Ni gauna sa toki kina ki Salt Lake City ni oti e dua na yabaki me laki vulica na vosa Vakavalagi, e rau sa tekivu veigadivi. Ena loma ga ni vica na vula, rau sa veisau mama. Rau a vakamau ena Valetabu mai Salt Lake ena ika 4 ni Sepiteba, 1980. E va na luvedrau ka ciwa na makubudrau. Erau vakaitikotiko mai Bountiful, Utah.

O Sisita Dennis, a tokoni ena 2 ni Epereli, sa na tekivu veiqaravi vaka iMatai ni Daunivakasala ena Mataveiliutaki Raraba ni iSoqosoqo ni Veivukei ena 1 ni Okosita. E veiqaravi o koya ena matabose raraba ni veivakasalataki ni Lalai vata kei watina ena matabose ni veitaratara ena Yasayasa vaka-Davis.

Mai na 2013 ki na 2016 a veiqaravi vata kei watina ena nona vakatulewataka tiko na Tabana ni Kaulotu na Ecuador Guayaquil West. Sa veiqaravi oti talega vaka ivukevuke vua na metereni ni Valetabu e Guayaquil Ecuador, sekeriteri ni iSoqosoqo ni Veivukei ena iteki, peresitedi ni Lalai ena tabanalevu, daunivakasala ena mataveiliutaki ni iSoqosoqo ni Veivukei kei na Goneyalewa ena tabanalevu, qasenivuli ni iSoqosoqo ni Veivukei, kei na liganicakacaka vakalotu ni valetabu.