Dodoliga Yani ki Vuravura Taucoko

Era tomana na lewe ni Mataveiliutaki Taumada kei na Kuoramu ni iApositolo Le Tinikarua na nodra veiqaravi vakaparofita, daurairai, ka dauvakatakila, ka vakadinadinataka e vuravura raraba me baleta na Vakalesuimai ni kosipeli kei na veivakalougatataki ni muria na iVakabula. Oqo e vica ga na ka era sa rawata vakatekivu mai na koniferedi raraba sa oti.

Lewe ni Mataveiliutaki Taumada

Me baleta e dua na ivakaleka ni nona veiqaravi o Peresitedi Russell M. Nelson tekivu mai na koniferedi raraba sa oti, raica na tabana e 135.

Ni vosa tiko ena dua na univesiti mai Roma, Itali, e kaya kina o Peresitedi Dallin H. Oaks, na iMatai ni Daunivakasala ena Mataveiliutaki Taumada, na galala vakalotu e kauta mai e vuqa na veika yaga ki na bula ni tamata, ka vakauqeti ira na tamata ena vakabauta me ra “vaqara na sala me ra vuli kina vakataki ira ka vaqaqacotaka na veivakararamataki matau ka tauri keda vata.”

Lewe ni Kuoramu ni Apositolo Le Tinikarua.

A veiqaravi o Peresitedi M. Russell Ballard, Peresitedi Vakatawa, kei Elder Jeffrey R. Holland kei Quentin L. Cook e Peritania raraba, ka soqoni vata kei ira na daukaulotu kei ira na lewe ni Lotu. Eratou a veiqaravi vakaulotu taucoko ena Matanitu Cokovata e Igiladi ni rau se cauravou, ka rau veitokani o Elder Holland kei Elder Cook.

A vosa o Elder David A. Bednar ena dua na lotu mai Jordan. Ena United Arab Emirates, a sota kei ira na iliuliu ni iTeki o Abu Dhabi okoya ka sikova na vanua ivakaraitaki ka na tiko kina e dua na valetabu ena dua na siga. Mai Bahrain, a sota kei ira na lewe ni Tabanalevu o Manama ka vakarautaka e dua na lotu ni itabagone.

A yaco o Elder D. Todd Christofferson me imatai ni iApositolo me sikova na Matanitu o Gambia. A sota vata kei peresitedi, marama watina, kei na ivukevuke ni peresitedi ni matanitu okoya ka veivosakitaka e dua na sasaga cokovata ena maliwa ni Lotu kei na yavu ni soqosoqo nei wati peresitedi me vukei ira era vakaleqai tu. A veisiko talega o Elder Christofferson ki Ivory Coast, Nigeria, kei Ghana.

Ena gauna ni soqoni vata kei na vuli mai Colombia kei Ecuador, a nanuma o Elder Neil L. Andersen e vuqa na lewe ni Lotu era sa takali yani ena vuku ni COVID. A sotavi ira na daukaulotu, 36 na peresitedi ni kaulotu kei ira na watidra, kei ira na iliuliu ni iteki, era dau vosa vaka-Sipeni. Ena dua na lotu mai Colombia, a vosa o koya me baleta na vaqaqacotaki ni vakamau kei na matavuvale.

Mai Panama, a yaco o Elder Gary E. Stevenson me imatai ni iApositolo me sikova na yanuyanu o Carti Tupile ena San Blas Archipelago, ka toka ena tikina vakaitaukei o Guna Yala e rua veimama na auwa mai Panama City.

A vosa o Elder Gerrit W. Gong vei ira na itabagone ena Yatu Filipaini me baleta na vakatulewa vuku ka taura vei ira na yaca i Jisu Karisito. A sotavi ira na daukaulotu ka, ia ena dua na kakaburaki raraba ena Yatu Filipaini, a vosa vei ira na itabagone qase cake.

Ena nona vanua mai Brazil, a vakasalataki ira na itabagone qase cake o Elder Ulisses Soares mera tudonutaka na nodra bula vua na iVakabula. A tukuna vei ira na daukaulotu me ra vakabauti Jisu Karisito ka yavutaki tu ena dina. Ni oti e vica na vula, a lesu tale o Elder Soares ki Brazil me laki vosa ena dua soqo levu ni itukutuku ni bula galala vakalotu. A sotava talega na ivukevuke ni peresitedi ni Dominican Republic kei na mata ni Cuba ki na vanua oya. Sa dua tiko na tikina kei na va na tabanalevu ni Lotu e Cuba.

Ena soqoni ni monalivaliva, a vosa o Elder Dieter F. Uchtdorf vei ira na itabagone, daukaulotu, kei ira na iliuliu ni Lotu e Esia; e vosa o Elder Quentin L. Cook ki na itabagone qase cake e Iurope, Europe East, Aferika, kei na Veivanua ena Tokalau e Loma; a vosa o Elder D. Todd Christofferson vei ira na itabagone qasecake vosa vaka Potukali; a vosa o Elder Neil L. Andersen vei ira na itabagone qase cake era vakaitikotiko e Amerika kei Sipeni; a vosa o Elder Ronald A. Rasband vei ira na itabagone qase cake vosa Vakavalagi; kei Elder Dale G. Renlund a vosa vei ira na itabagone qasecake vosa vaka-Varanise.