Mbahet ‘Shtëpia e Hapur’ në Qytetin e Beratit
Më 12 Mars 2022, në qytetin e Beratit në Shqipëri, godina e Kishës së Jezu Krishtit të Shenjtorëve të Ditëve të Mëvonshme u përkushtua për veprën e shpëtimit dhe ekzaltimit. Ishte një përvojë kaq e mrekullueshme!
Takimi nisi me një prezantim nga presidenti i degës së Beratit, Presidenti Rakipi, që vërtet ftoi Shpirtin. Më pas kishim kënaqësinë të dëgjonim nga presidenti i Distriktit Elbasan, Presidenti Mene, i cili foli për historinë e Kishës së rivendosur kudo në Europë.
Pas kësaj, ne patëm një numër muzikor të mrekullueshëm nga plaku Larsan dhe motra Ejri. Sapo filluan të luanin, një heshtje e madhe zotëroi plotësisht ambientin dhe thjesht mund të ndieje sa i fortë ishte Shpirti.
Pastaj presidenti i Misionit të Adriatikut Jugor, Presidenti Bërdon na dha një shpjegim të shkurtër se përse i përkushtojmë godinat tona kishtare dhe rëndësinë që ka kjo. Ai filloi duke folur për Kishën në këto ditë të mëvonshme, të organizuar nga Jozef Smithi, si edhe për sprovat dhe përpjekjet për ta përgatitur atë për lavdërimin dhe adhurimin e Zotit. Ende nuk kishte përfunduar. Ata ende duhej ta përkushtonin atë që puna e Zotit të përmbushte plotësisht qëllimin e saj.
Një shkrim i shenjtë nga Libri i Mormonit e mbështet plotësisht atë: “Pasi, a nuk lexojmë ne se Perëndia është i njëjtë dje, sot dhe përgjithmonë dhe në të nuk ka ndryshueshmëri as hije ndërrimi?” (Mormoni 9:9.) Dhe nga kjo mësojmë se Zoti ka qenë aty për ne në të kaluarën, është në të tashmen dhe do të jetë me ne në të ardhmen. Dhe sikurse Ai na ka bekuar në të kaluarën, Ai do të vazhdojë të na bekojë në të ardhmen deri në përjetësi. Ne mund të mos e vërejmë për momentin, por dora e Zotit po ndikon në jetën tonë pikërisht në këtë moment.
Pas shpjegimit të tij të shkurtër, ai vijoi menjëherë me lutjen e përkushtimit. Dhe kjo ishte një përvojë e mrekullueshme për shumë njerëz që ishin atje.