Vëllai Majkëll T. Nelson

Këshilltar i Dytë në Presidencën e Përgjithshme të Të Rinjve

Për Vëllanë Majkëll T. Nelson, koha e tij si president misioni pohoi se dhënia mësim brezit të ri të parimeve të sakta dhe më pas mirëbesimi ndaj tij prodhojnë rezultatet më të mira, si për punën misionare ashtu edhe në jetën e misionarëve individualë.

“Gjithçka ka lidhje me mirëbesimin. Mësuam t’u mirëbesonim atyre”, – tha ai për punën me misionarët kohëplotë në Misionin e Kalifornisë, San‑Bernardino, ku çifti Nelson shërbeu si udhëheqës misioni nga viti 1998 deri në 2001.

Vëllai Nelson thotë se të mësuarit – dhe dhënia mundësi të rinjve e të rejave që të udhëheqin – ka mbetur pjesë thelbësore e shërbimit të tij në Kishë dhe do të vazhdojë të jetë në thirrjen e tij të re në Presidencën e Përgjithshme të Të Rinjve. Për tre vitet pasues, Plaku Nelson ka shërbyer si sekretari ekzekutiv i Presidencës së Përgjithshme të Të Rinjve. Për dy vjet përpara kësaj, ai shërbeu si anëtar i atij që tani është Këshilli i Përgjithshëm Konsultativ i Të Rinjve.

Majkëll Teri Nelson iu lindi Monti Kenën dhe Viola Eliza Nelsonit më 10 qershor 1956 në Solt-Lejk-Siti të Jutës në SHBA dhe u rrit në zonën e Solt‑Lejkut. Pasi shërbeu në Misionin e Kilit, Santiago, ai studioi për komunikimet organizative në Universitetin “Brigam Jang” dhe Universitetin e Jutës. Në vitin 1982 ai u martua me Barbara Flakigërin në Tempullin e Xhordan-Rivërit. Çifti Nelson jetoi në Sendi të Jutës përpara se të shpërngulej në Uollsbërg të Jutës. Ata kanë nëntë fëmijë.

Vëllai Nelson është drejtuesi financiar i një kompanie investimesh dhe pasurish të paluajtshme tregtie dhe banimi. Familja Nelson, përfshirë dy fëmijët që jetojnë në shtëpi, gjithashtu ka në përdorim një fermë të vogël në pronën e shtëpisë së tyre. Të qenit aktivë dhe kalimi i kohës në mjedise të hapura duhet të jenë të rëndësishme për rininë e Kishës, thotë Vëllai Nelson, siç kanë qenë për familjen e tij.

Vëllai Nelson ka shërbyer si president kunji, këshilltar në një presidencë kunji, sekretar ekzekutiv i kunjit, peshkop dhe president i Të Rinjve në lagje dhe kunj. Ai ndihmoi në mbledhjen e fondeve, regjistrimin dhe logjistikën në vitin 1997 për varganin e karrove të 150-vjetorit, i cili realizoi udhëtimin e kompanisë së parë pioniere drejt luginës së Solt-Lejkut.