Profeti Njofton 15 Tempuj të Rinj

Gjatë konferencës së përgjithshme të prillit 2023, Presidenti Rasëll M. Nelson njoftoi tempuj në vendndodhjet vijuese:

Retalhuleu, Guatemalë
Ikuitos, Peru
Teresina, Brazil
Natal, Brazil
Tuguegarao-Siti, Filipine
Iloilo, Filipine
Xhakartë, Indonezi
Hamburg, Gjermani
Lethbrixh, Alberta, Kanada
San‑Hoze, Kaliforni, SHBA
Bejkërsfilld, Kaliforni, SHBA
Springfilld, Misuri, SHBA
Sharlët, Karolina e Veriut, SHBA
Uinçester, Virxhinia, SHBA
Herisbërg, Pensilvani, SHBA

Vazhdon Përparimi në Ndërtimin e Tempujve të Rinj

Tempujt vijues janë përkushtuar ose ripërkushtuar që nga konferenca e përgjithshme e fundit në tetor:

Tempulli i Hamiltonit në Zelandën e Re u ripërkushtua më 17 tetor 2022.
Tempulli i Kuitos në Ekuador u përkushtua më 20 nëntor.
Tempulli i Belemit në Brazil u përkushtua më 20 nëntor.
Tempulli i San‑Huanit në Porto‑Riko u përkushtua më 15 janar 2023.

Tempulli i Riçmondit në Virxhinia do të përkushtohet më 7 maj.

Punimet e ndërtimit filluan për tempujt vijues: Tempullin e Keretaros në Meksikë, Tempullin e Managuas në Nikaragua, Tempullin e Uillamet‑Vallejit në Oregon (SHBA), Tempullin e Toreonit në Meksikë, Tempullin e Mirafloresit, Guatemala‑Siti në Guatemalë, Tempullin e Port‑Vilës në Vanuatu dhe Tempullin e Hibër‑Vallejit në Jutë (SHBA).

Përditësimi për Rinovimin e Sheshit të Tempullit

Projekti i rinovimit të Tempullit të Solt-Lejkut kohët e fundit përfundoi vitin e tij të tretë. Në vitin 2022 u krye puna e madhe vijuese:

Hidroizolimi dhe rregullimi i peizazhit të Sheshit të Rrugës Qendrore.
Instalimi i shtyllave përforcuese të betonit nën themelet ekzistuese të tempullit.
Instalimi i kanaleve ngrohës për hidroizolimin dhe shkrirjen e dëborës në sheshin e Ndërtesës së Zyrave të Kishës; filloi puna për shtrimin e ri të rrugëve.
Fillimi i ndërtimit të pavioneve për miqtë vizitorë dhe në tre katet e shtuara më të ulët të shtesës së tempullit, e cila do të përfshijë dy pagëzimore, dhoma vulosjeje, dhoma veshjeje dhe zyra administrative.