Ano ang Nangyayari Noong Panahon ni Isaias?

Nahikayat si Nephi na ibahagi ang marami sa mga salita ng propetang si Isaias. Ang pag-unawa sa heograpikal at pulitikal na konteksto sa likod ng mga propesiya ni Isaias ay makatutulong sa iyo na suriin ang mga simbolong ginamit niya upang magpropesiya tungkol sa kanyang panahon at sa atin.

Ipinapakita ng mapang ito ang mga kaharian sa panahon ni Isaias. Magagamit mo ito para sumabay sa pagbasa habang binabanggit ni Nephi ang sinabi ni Isaias. Maaaring tukuyin ni Isaias ang isang lugar sa iba’t ibang paraan: sa pangalan nito, kabiserang lungsod, pangunahing lipi ni Israel, pinuno ng pulitika, o iba pang mga simbolo. Tingnan ang mga footnote sa mga banal na kasulatan para sa karagdagang kaalaman.

1. Siria

Kabisera: Damasco
Tinulungan ang Israel na salakayin ang Juda dahil sa hindi pagsali nito sa alyansa laban sa Asiria
Pinuno: Resin (tingnan sa 2 Nephi 17:1, 4, 8)

2. Israel

Hilagang Kaharian
Kabisera: Samaria
Pangunahing lipi: Ephraim (tingnan sa 2 Nephi 17:8–9) o ang “mga nawawalang lipi”
Pinuno: Peka, anak ni Remalias (tingnan sa 2 Nephi 17:1, 4, 9)

3. Juda

Katimugang Kaharian
Kabisera: Jerusalem
Pangunahing lipi: Juda (tingnan sa 2 Nephi 13:1, 8; 15:3, 7)
Pinuno: Achas, ang “sambahayan ni David” (2 Nephi 17:1–3)

4. Asiria

May malakas na hukbo noong panahon ni Isaias
Sinakop ang Siria, Israel, at sa huli ang kabuuan ng Juda maliban sa Jerusalem
Ikinalat ang sampung lipi
Kalaunan ay sinakop ng Babilonia
Simbolo ng kapalaluan at pagkalipol ng masasama sa Ikalawang Pagparito (tingnan sa 2 Nephi 20)

5. Babilonia

Sinakop ang Asiria at Juda
Ipinatapon ang mga Judio mula sa Jerusalem
Simbolo ng mundo at ng kasamaan nito