Para sa mga Magulang

Nangungusap Tayo Tungkol kay Cristo

isang ina at mga anak na nakaupo sa mesa

Placeholder credit line

Mahal na mga Magulang,

Itinuro ni Nephi sa kanyang mga tao kung gaano kahalaga ang unahin ang Panginoon sa ating buhay. Isinulat niya, “Nangungusap tayo tungkol kay Cristo, nagagalak tayo kay Cristo, nangangaral tayo tungkol kay Cristo, nagpopropesiya tayo tungkol kay Cristo, at sumusulat tayo alinsunod sa ating mga propesiya, upang malaman ng ating mga anak kung kanino sila aasa para sa kapatawaran ng kanilang mga kasalanan” (2 Nephi 25:26). Maaari ninyong rebyuhin ang sumusunod na mga artikulo kasama ang inyong pamilya para ituro sila at ang iba pang mahal ninyo sa ebanghelyo ni Jesucristo, sa Kanyang patnubay, at sa matalinong mga alituntunin na tutulong sa ating hanapin Siya sa abala at makabagong mundo.

Mga Talakayan Tungkol sa Ebanghelyo

Ang Ebanghelyo ni Jesucristo ay para sa Lahat

Kailangan ng lahat ng tao ang pag-asa at pagtubos na ibinibigay ng ebanghelyo at ng pagbabayad-sala ni Jesucristo. Talakayin sa inyong pamilya ang ilang turo mula sa artikulo ni Elder Jeffrey R. Holland kung paano kayo magmamahal, magbabahagi, at mag-aanyaya sa isang tao na tanggapin at yakapin ang ebanghelyo ni Jesucristo (tingnan sa pahina 4).

Matalinong mga Alituntunin para sa Paggamit ng Media

Ang teknolohiya at media ay mga kasangkapang makatutulong kapag ginamit nang tama. Rebyuhin ang ilang gabay na alituntunin sa pahina 22 at talakayin ang mga pamantayan ng inyong pamilya sa paggamit ng media. Gamit ang “mga tanong na pagninilayan,” isipin kung ano ang magandang nangyayari at kung ano ang mas mapagbubuti.

Pagsunod sa Tagapagligtas nang May Pananampalataya

Sa kanyang artikulo sa pahina 40, nagbahagi si Elder Benjamin M. Z. Tai ng apat na paraan kung paano tayo tinutulungan ng Tagapagligtas. Matapos rebyuhin ang mga ito kasama ang inyong pamilya, talakayin kung paano kayo natulungan habang sumusunod kayo sa Tagapagligtas nang may pananampalataya.

Katuwaan ng Pamilya sa Pumarito Ka, Sumunod Ka sa Akin

Paghahanap kay Cristo sa Lahat ng Bagay

2 Nephi 11:4

Nais ni Nephi na maniwala ang kanyang mga tao kay Jesucristo at tiyakin na itinuturo sila ng batas ni Moises sa Tagapagligtas. Itinuro niya, “Lahat ng bagay na ibinigay ng Diyos mula pa sa simula ng daigdig, sa tao, ay pagsasagisag sa kanya.”

Maitutuon tayo ng mga nilikha ng Diyos kay Jesucristo kung nakatuon tayo sa Kanya. Gustung-gusto ni Nephi na turuan ang kanyang mga tao tungkol kay Jesucristo at kung paano sila itinuon ng batas ni Moises palapit sa Kanya.

Talakayan: Paano “sinasagisag” ng makabagong mga simbolo ang Pasko ng Pagkabuhay ni Cristo?

Halimbawa—Itlog: Simbolo ng bagong buhay. Ipinapaalala sa atin ang bagong buhay sa pamamagitan ng pagkabuhay na mag-uli. Gayundin, kapag binubuksan, ito ay maaaring maging tulad ng isang walang laman na libingan, na simbolo ng walang laman na libingan ni Cristo.

Kordero:

Liryo o mga bulaklak:

Anong iba pang mga tradisyon sa Pasko ng Pagkabuhay ang mayroon ang inyong pamilya na nagtatangi kay Cristo?

Ipinasa ni Becca Aylworth Wright

larawan ng mukha ni Jesucristo

Mula sa Magasing Para sa Lakas ng mga Kabataan 

Ang isyu sa buwang ito ay isang espesyal na isyu na may temang “Si Jesucristo ang Lakas ng mga Kabataan.”

Basahin ang isang mensahe mula kay Elder Jeffrey R. Holland kung paano makahuhugot ng lakas ang bawat kabataan kay Jesucristo.

Maghanap ng mga artikulo tungkol sa kung paano tayo pinalalakas ng Tagapagligtas laban sa stress, kalungkutan, kasalanan, kahihiyan, kahinaan, kamunduhan, at pagkabalisa, gayundin ang mga artikulo tungkol sa kung paano Niya tayo pinalalakas na maglingkod, maghanda, at maging tulad Niya.

Masiyahan sa nagbibigay-inspirasyong mga poster at gawang-sining tungkol sa Tagapagligtas.

Mula sa Magasing Kaibigan

Maligayang Pasko ng Pagkabuhay!

Maghanap ng mga kuwento at aktibidad para tulungan ang inyong pamilya na magkaroon ng makabuluhan at nakasentro kay Cristo na Pasko ng Pagkabuhay.

Handa na para sa Pangkalahatang Kumperensya

Sabik ka bang manood ng kumperensya sa susunod na buwan? Ang Kaibigan sa buwang ito ay may aktibidad para sa inyong anak na maaari nilang gawin habang nakikinig sila.

Pananatiling Ligtas Online

Magbasa ng isang kuwento tungkol sa isang batang babae na nakadama ng pahiwatig sa kanya ng Espiritu Santo na tumigil sa panonood ng masasamang video. Makahahanap ka ng mas maraming resource sa ligtas na paggamit ng media sa Friend.ChurchofJesusChrist.org.

Matuto Mula sa Aklat ni Mormon

Maghanap ng mga lingguhang aktibidad, mga larawang kuwento ng banal na kasulatan, at marami pang iba para maging masaya ang pag-aaral ng inyong pamilya ng mga banal na kasulatan.