“Brother Chad H Webb,” Liaona, Māe 2024.
Brother Chad H Webb
Rikakpilōklōk eo Kein Kajuon ilo Būreejtōnji eo Eutiej an Jabōt Jikuuļ
Āinwōt juon likao, Chad Webb ekar jikuuļ ilo College of Eastern Utah (kiiō ej Utah State University Eastern) ke ekar wōr juon en̄jake epen ilo jetōb eo ekar kam̧wilaļļo̧k naan in kam̧ool eo an gospel in. En̄jake in ekar ejaake kōn juon ikdeleel n̄an kōkajoorļo̧k tōmak eo an.
Ilubwilijin an kōm̧m̧ani jerbal ko an ilo jikuuļ im ikkure basketball ilo tiim̧ eo an kaļōj, Brother Webb ekar ekkatak jeje ko rekwojarjar, jar, im kejōkļo̧kjeņ kōn juon kālet eaorōk ilo an m̧aanjabpopo n̄an jerbale juon mijen elikio ilo Veracruz, Mexico.
Juon bon̄ em̧ōļo ekar etetal ipeļaakin Price, Utah, im ļōmņak kōn men otemjej ekar ekkatak. Tōl eo an lan̄ ekar itok ke ekar etetal tok n̄an juon parking lot ejjeļo̧k kobban.
“Ikar en̄jake bwe aolep uwaak ko n̄an jar ko im kajjitōk ko rekar itok, im ikar en̄jake m̧wilaļ in wāween an m̧ool gospel eo im Kabun̄ in,” ekar ba. “Mool kein rekar itok kōn alikkar eļap ilo kōļmenļo̧kjeņ eo aō, ippān tok en̄jake eo bwe Jemedwōj Ilan̄ ekar ļōmņak kōn n̄a. Ikar en̄jake iakwe eo An im tōl eo An. En̄ņe ekar juon iaan en̄jake ko jinoin ekajoor aō n̄an kam̧wiļaļļo̧k naan in kam̧ool eo aō.”
Chad H Webb ekar ļotak ilo Rexburg, Idaho, USA, on December 18, 1964, jān Larry George Webb im Paige Webb. Ekar rūttoļo̧k ilo turōk in Idaho im kar m̧areiki Kristi Ann Bronson ilo Logan Utah Temple ilo Okwōj 4, 1990. Rekar jokwe ilo Layton, Utah, USA, im ewōr jiljino nejier ajri ro.
Brother Webb ekar kadiwōjļo̧k jān Brigham Young University kōn juon bachelor’s degree ilo Spanish im juon master’s degree ilo educational leadership and foundations. Ekar katakin jemenere ilo Salt Lake City im institute classes ilo Virginia im Utah, kōpeļaake institute program ko ilo Washington, D.C., im lale kaminene im kālet rūkaki in jemenere ro. Jān 2008, ekar jerbal āinwōt juon administrator an Seminaries and Institutes of Religion.
Brother Webb kar kōtļo̧ke āinwōt Layton Utah Valley View Stake būreejtōn jidik iien m̧okta jān kūr eo an. Kūr kein raiboojoj ekoba bishop, high councilor, im elders quorum būreejtōn.