Elder Sergio R. Vargas

Ritōl Eutiej an Jiljilimjuonn̄oul

Ke Elder Sergio R. Vargas jino iakwe Andrea Sanchez, ekar ļōmņak ewōr ippān juon uwaak epidodo n̄an oktak ko aer ilo kabun̄: renaaj kōm̧m̧ane juon iien m̧are ilo kabun̄ eo an n̄an baam̧le eo an im m̧are eo juon ilo kabun̄ eo an kōrā eo n̄an baam̧le eo an.

Ekar m̧ōkaj an ekkatak, kōn menin, kōm̧m̧ane menin eban juon men epidodo. Andrea ekar juon membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata, im liin ekar kōņaan juon m̧are an tampeļ. Kōn menin ekar kajjitōk ippān bwe en ekkatak eļapļo̧k kōn tōmak eo an jān mijenede ro.

Elder Vargas ekar ron̄jake kajjitōk eo, eo ekar ukōt mour eo an.

Ekar keememej an jerbal n̄an juon salmon kom̧bani ilo iien eo, jipan̄ leto letak ek mour jān lo̧jet eo. Ilo juon ito itak 25 awa, ekar loe juon jikin ejenolo̧k n̄an riiti Bok in Mormon im kajjitōk ippān Jemedwōj Ilan̄ kōn gospel eo. Ekar juon iien oktak ilo jetōb.

Elder Vargas ekar ļotak ilo Nobōm̧ba 2, 1976, ilo Puerto Varas, Chile, ijo e im ajri ro jatin rekar rūttoļo̧k ie. Jinen, Gladys Barria, ekar pād ilo m̧weo ke jemān, Renato Vargas, ekar dāpij aenōm̧m̧an āinwōt juon būļiij opiija. Mekarta ekar ekkatak ippān mijenede ro āinwōt kar juon likao, ekar ļapļo̧k an itok limo ilo ikkure basketball ijjelo̧kin gospel.

Ekar jab m̧ae iien Elder Vargas ekar ioon Sister Vargas me ekar m̧aanjabpopo n̄an ron̄jake mijenede ro kōn juon kōļmenļo̧kjeņ im būruwōn eppeļļo̧k, ekar ba. Rekar m̧are ilo Juļae 26, 2003, im rekar tokālik liāp ilo Santiago Chile Temple. Ripālele rein ewōr jilu nejier ajri.

Iien eo kūri āinwōt juon Ritōl Eutiej Jiljilimjuonn̄oul an Kabun̄ in, Elder Vargas ekar jerbal āinwōt juon Eria Jiljilimjuonn̄oul ilo South America South Area. Kūr ko an m̧okta ilo Kabun̄ in ekoba high ko̧o̧njeļ, branch būreejtōn, im stake būreejtōn.

Elder Vargas kam̧ōje juon bachelor degree ilo marine resources jān Los Lagos University ilo 1999 im kar bōk juon business administration diploma jān Austral University ilo 2002. Eo ej kab mōjļo̧k, ekar jerbal āinwōt juon operational manager n̄an Ventisqueros juon membor in German Schörghuber Corporate Group.